Last Updated:
നാലു വർഷമാണ് കോഴ്സ് കാലാവധി. കോഴ്സ്, വിജയകരമായി പൂർത്തിയാക്കുന്നവർക്ക് ബി.എസ്. (ഓണേഴ്സ്) ബിരുദം ലഭിക്കും
ഐഐഎം എന്നു കേൾക്കുമ്പോൾ തന്നെ നമ്മുടെ മനസ്സിലേയ്ക്കു വരുന്നത്, മാനേജ്മെൻ്റ് മേഖലയിലെ മികവിൻ്റെ കേന്ദ്രമെന്ന നിലയ്ക്കാണ്. എന്നാൽ സയൻസ് മേഖലയിലെ പഠനവുമായി ഐ.ഐ.എം. പുതിയ പ്രോഗ്രാമുകൾക്ക് അവസരം നൽകുന്നു. ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെൻ്റ് (ഐ.ഐ.എം.) സംബൽപൂരിൽ (ഒഡിഷ) ആരംഭിക്കുന്ന പുതിയ ബാച്ചിലർ ഓഫ് സയൻസ് (ബി.എസ്.) പ്രോഗ്രാമുകളിലേക്ക് ഇപ്പോൾ അപേക്ഷിക്കാം. ഈ വർഷം മുതൽ തന്നെ ആരംഭിക്കുന്ന ഈ നാലു വർഷ കോഴ്സുകൾക്ക് അപേക്ഷിക്കാനുള്ള അവസാന തീയതികൾ ജൂലൈ 20, ജൂലൈ 30
വിവിധ പ്രോഗ്രാമുകൾ
- ബി.എസ്. ഇൻ ഡാറ്റാ സയൻസ് ആൻഡ് ആർട്ടിഫിഷ്യൽ ഇൻ്റലിജൻസ് (അപേക്ഷ ജൂലൈ 20 വരെ)
- ബി.എസ്. ഇൻ മാനേജ്മെൻ്റ് ആൻഡ് പബ്ലിക് പോളിസി (അപേക്ഷ ജൂലൈ 30 വരെ)
നാലു വർഷമാണ് കോഴ്സ് കാലാവധി. കോഴ്സ്, വിജയകരമായി പൂർത്തിയാക്കുന്നവർക്ക് ബി.എസ്. (ഓണേഴ്സ്) ബിരുദം ലഭിക്കും. ഓരോ വർഷത്തിലും എക്സിറ്റ് ഓപ്ഷൻ ലഭ്യമാണ് അതായത്, ഒരു വർഷം കോഴ്സ് പൂർത്തിയാക്കുന്നവർക്ക് സർട്ടിഫിക്കറ്റും രണ്ട് വർഷം പൂർത്തിയാക്കുന്നവർക്ക് ഡിപ്ലോമ സർട്ടിഫിക്കറ്റും മൂന്ന് വർഷം പൂർത്തിയാക്കുന്നവർക്ക് ബി.എസ്. ഡിഗ്രി സർട്ടിഫിക്കറ്റും നൽകും.
ബി.എസ്. ഇൻ ഡാറ്റാ സയൻസ് ആൻഡ് ആർട്ടിഫിഷ്യൽ ഇൻ്റലിജൻസ്: 2025-ലെ ജെ.ഇ.ഇ. മെയിൻ സ്കോറിൻ്റെ അടിസ്ഥാനത്തിലാണ്. എന്നാൽ ബി.എസ്. ഇൻ മാനേജ്മെൻ്റ് ആൻഡ് പബ്ലിക് പോളിസി: സി.യു.ഇ.ടി. യു.ജി. 2025-ലെ ജനറൽ ആപ്റ്റിറ്റ്യൂഡ്, ഇംഗ്ലീഷ് പേപ്പറുകളിലെ സ്കോർ പരിഗണിച്ചാണ് റാങ്ക് ലിസ്റ്റ് തയ്യാറാക്കുക.
bs.admission@iimsambalpur.ac.in
(കഴിഞ്ഞ 15 വർഷക്കാലമായി ബിരുദ -ബിരുദാനന്തര തലങ്ങളിൽ അധ്യാപന രംഗത്തുള്ള ഡോ. ഡെയ്സൻ പാണേങ്ങാടന് എഞ്ചിനീയറിംഗ് കോളേജിലും അധ്യാപന പരിശീലന കേന്ദ്രങ്ങളിലും പഠിപ്പിച്ച അനുഭവസമ്പത്തുണ്ട്. 2013 മുതൽ തൃശ്ശൂർ സെന്റ് തോമസ് കോളേജിലെ ഫിസിക്സ് ഡിപ്പാർട്ടുമെന്റിൽ അസി.പ്രഫസർ. കരിയർ കൗൺസലിംഗും കരിയർ ഓറിയന്റേഷൻ ക്ലാസ്സുകളും സംസ്ഥാന തലത്തിൽ നടത്തുന്നു. daisonpanengadan@gmail.com)
Sambalpur,Sambalpur,Odisha (Orissa)
