ചില ഉപയോക്താക്കൾ തങ്ങളുടെ അനുഭവങ്ങളുടെ അടിസ്ഥാനത്തിൽ തീരുമാനമെടുക്കാനുള്ള അവരുടെ അവകാശത്തെ പിന്തുണച്ചപ്പോൾ, മറ്റുചിലർ ഇവരുടെ അവകാശവാദങ്ങളെ ചോദ്യം ചെയ്യുകയും ഒരു സമൂഹത്തെയാകെ പൊതുവൽക്കരിച്ച് സംസാരിക്കുകയാണെന്ന് കുറ്റപ്പെടുത്തുകയും ചെയ്തു.
താൻ ആദ്യമായി ഈ ജോലി ചെയ്യാൻ തുടങ്ങിയ കാലത്ത് ഇന്നത്തെ അപേക്ഷിച്ച് റേറ്റ് വളരെ കുറവായിരുന്നുവെന്ന് പറഞ്ഞുകൊണ്ടാണ് സ്ത്രീ വീഡിയോ ആരംഭിക്കുന്നത്. കൂടുതൽ ഉപയോക്താക്കളെ ആകർഷിക്കുന്നതിനായി അക്കാലത്ത് താൻ അഡ്വാൻസ് തുകയോ കൃത്യമായ പശ്ചാത്തല പരിശോധനകളോ നടത്തിയിരുന്നില്ലെന്നും അവർ വ്യക്തമാക്കി.
അക്കാലത്ത് തന്നെ തേടിയെത്തിയവരിൽ ഭൂരിഭാഗം പേരും ഇന്ത്യയിൽ നിന്നും പാകിസ്ഥാനിൽ നിന്നുമുള്ളവരായിരുന്നു എന്ന് അവർ അവകാശപ്പെടുന്നു. കാലക്രമേണ, അത്തരം ചില ഇടപാടുകാരുടെ പെരുമാറ്റത്തിൽ ആവർത്തിച്ചുള്ള ചില മോശം രീതികൾ ശ്രദ്ധയിൽപ്പെടാൻ തുടങ്ങിയതായി അവർ പറഞ്ഞു.
“ഞാൻ ഒരു കനേഡിയൻ ലൈംഗികത്തൊഴിലാളിയാണ്. ഈ രാജ്യങ്ങളിൽ (ഇന്ത്യ, പാകിസ്ഥാൻ) നിന്നുള്ള ആളുകളെ ഞാൻ മുൻപ് സ്വീകരിക്കാറില്ലായിരുന്നു. നമുക്ക് അതിനെക്കുറിച്ച് സംസാരിക്കാം,” എന്ന് സ്ത്രീ വീഡിയോയിൽ പറയുന്നു. ചില ഇടപാടുകാർ മുൻപ് സമ്മതിച്ചതിനേക്കാൾ കുറഞ്ഞ പണവുമായി വരികയും പിന്നീട് വിലപേശാൻ ശ്രമിക്കുകയും ചെയ്യാറുണ്ടായിരുന്നുവെന്ന് അവർ ആരോപിച്ചു.
ചിലർ വളരെ ആക്രോശത്തോടെയും അനാദരവോടെയും പെരുമാറിയിരുന്നതായും കൂടാതെ ലൈംഗികബന്ധത്തിന് മുൻപ് കുളിക്കാൻ പോലും വിസമ്മതിച്ചിരുന്നതായും അവർ ആരോപിച്ചു. ഈ അനുഭവങ്ങൾ തന്നിൽ വലിയൊരു നെഗറ്റീവ് ഇംപ്രഷൻ ഉണ്ടാക്കിയതായി അവർ കൂട്ടിച്ചേർത്തു.
ഒരു പ്രത്യേക സംഭവം തന്റെ തീരുമാനത്തെ ദീർഘകാലത്തേക്ക് സ്വാധീനിച്ചതായി അവർ വിശദീകരിച്ചു. ഒരു ഇടപാടുകാരൻ കോണ്ടം ഉപയോഗിക്കാതെ ലൈംഗികബന്ധത്തിൽ ഏർപ്പെടാൻ തന്നെ നിർബന്ധിച്ചതായി അവർ പറയുന്നു. ആ അനുഭവം തന്നെ മാനസികമായി തളർത്തിയെന്നും തുടർന്ന് താൻ പോലീസിൽ പരാതി നൽകിയെന്നും അവർ വ്യക്തമാക്കി.
താൻ ആ വ്യക്തിയുടെ വിവരങ്ങൾ നൽകിയെങ്കിലും ഒന്നും ചെയ്യാൻ കഴിയില്ലെന്നാണ് പോലീസ് പറഞ്ഞത്. ഈ സംഭവം തന്നെ സുരക്ഷിതത്വമില്ലായ്മയിലേക്ക് നയിച്ചുവെന്നും സമാനമായ സാഹചര്യം വീണ്ടും ഉണ്ടായാൽ എന്ത് ചെയ്യുമെന്ന ഭയം ഉണ്ടാക്കിയെന്നും അവർ പറഞ്ഞു.
ഈ ആശങ്കകൾ കാരണമാണ് ഇന്ത്യയിൽ നിന്നും പാകിസ്ഥാനിൽ നിന്നുമുള്ള ഇടപാടുകാരെ പൂർണ്ണമായി ഒഴിവാക്കാൻ താൻ തീരുമാനിച്ചത്. ഈ തീരുമാനം വംശീയതയോടെടുത്തതല്ലെന്നും മറിച്ച് തന്റെ വ്യക്തിപരമായ സുരക്ഷയെ മുൻനിർത്തി മാത്രമാണെന്നും അവർ ഊന്നിപ്പറഞ്ഞു.
❗️Canadian pro$titute bans Indians and Pakistanis because they ask for a discount
…and they often refuse to shower before services
… are also “very aggressive” because of their “r@pe culture” pic.twitter.com/7HWXWbKJGy
— Tablesalt 🇨🇦🇺🇸 (@Tablesalt13) June 1, 2026
തന്റെ ബിസിനസ്സ് ഇപ്പോൾ മുൻപത്തെ അപേക്ഷിച്ച് തികച്ചും വ്യത്യസ്തമായ രീതിയിലാണ് പ്രവർത്തിക്കുന്നതെന്ന് അവർ വീഡിയോയുടെ അവസാന ഭാഗത്ത് വ്യക്തമാക്കുന്നു. ഇപ്പോൾ ഉയർന്ന നിരക്കുകളാണ് ഈടാക്കുന്നത്, കൃത്യമായ സ്ക്രീനിംഗ് നടപടികളുണ്ട്, കൂടാതെ കൂടിക്കാഴ്ചയ്ക്ക് മുൻപ് അഡ്വാൻസ് തുകയും വാങ്ങുന്നുണ്ട്.
ഈ മുൻകരുതലുകൾ മുൻപ് നേരിട്ട പല പ്രശ്നങ്ങളും ഇല്ലാതാക്കാൻ സഹായിച്ചിട്ടുണ്ടെന്ന് അവർ പറഞ്ഞു.
അടുത്തിടെ ഈ രാജ്യങ്ങളിൽ നിന്നുള്ള ആളുകളിൽ നിന്ന് വീണ്ടും അഭ്യർത്ഥനകൾ ലഭിക്കുന്നുണ്ടെന്നും അവരെ വീണ്ടും സ്വീകരിക്കണമോ എന്ന് താൻ ആലോചിക്കുന്നുണ്ടെന്നും അവർ പറഞ്ഞു. ഉയർന്ന നിരക്കുകൾ നൽകാനും സ്ക്രീനിംഗ് നടപടികൾ പൂർത്തിയാക്കാനും തയ്യാറാകുന്ന ആളുകൾ വർഷങ്ങൾക്ക് മുൻപ് താൻ കണ്ടുമുട്ടിയവരിൽ നിന്നും വ്യത്യസ്തമായി പെരുമാറിയേക്കാമെന്ന് അവർ കരുതുന്നു.
തന്മൂലം അവർക്ക് മറ്റൊരു അവസരം കൂടി നൽകാൻ താൻ പദ്ധതിയിടുന്നുണ്ടെന്ന് അവർ പറഞ്ഞു. അതേസമയം, മുൻകാല അനുഭവങ്ങൾ ഓർക്കുമ്പോൾ ഇപ്പോഴും ചെറിയൊരു ഭയമുണ്ടെന്ന് അവർ സമ്മതിച്ചു.
“വെറുതെ പൊളിറ്റിക്കൽ കറക്ട്നസിനു വേണ്ടി എന്റെ സുരക്ഷ വെച്ച് ചൂതാട്ടം നടത്താൻ ഞാൻ തയ്യാറല്ല,” അവർ പറഞ്ഞു. തന്റെ പരാമർശങ്ങൾ വംശീയ അധിക്ഷേപമല്ലെന്നും തന്നോട് ആളുകൾ പെരുമാറിയ രീതിയെക്കുറിച്ച് മാത്രമാണ് താൻ സംസാരിച്ചതെന്നും അവർ വ്യക്തമാക്കി.
ഈ പോസ്റ്റ് ചുരുങ്ങിയ സമയത്തിനുള്ളിൽ വലിയ ചർച്ചകൾക്കാണ് വഴിവെച്ചത്. ചില ഉപയോക്താക്കൾ ഇതിന്റെ നിയമവശങ്ങളെക്കുറിച്ച് ചോദ്യങ്ങൾ ഉന്നയിച്ചു.
ഒരു വ്യക്തി കുറിച്ചതിങ്ങനെ: “കാനഡയിൽ വേശ്യാവൃത്തി നിയമവിരുദ്ധമല്ലേ? നിങ്ങൾ പോലീസിനെ സമീപിച്ച് പണത്തിനായി ലൈംഗികബന്ധത്തിൽ ഏർപ്പെട്ടുവെന്ന് സമ്മതിച്ചപ്പോൾ പോലീസ് നിങ്ങൾക്കെതിരെ കേസെടുക്കാത്തതിൽ അത്ഭുതം തോന്നുന്നു. നിങ്ങളുടെ സന്ദർശനത്തിന് ശേഷം നിങ്ങളുടെ പേര് പോലീസ് ഫയലിൽ ചേർത്തിട്ടുണ്ടാകുമെന്ന് എനിക്ക് ഉറപ്പാണ്.”
മറ്റൊരു ഉപയോക്താവ് ചോദിച്ചു, “കാനഡയിൽ വേശ്യാവൃത്തി നിയമപരമാണോ? എനിക്ക് മനസ്സിലാകുന്നില്ല.”
എന്നാൽ മറ്റ് ചിലർ വീഡിയോയിലെ അവകാശവാദങ്ങളെ പിന്തുണച്ചും രംഗത്തെത്തി. “ഞാൻ ഇതിൽ അവളെ കുറ്റം പറയില്ല. എനിക്കറിയാവുന്ന പല ലൈംഗികത്തൊഴിലാളികളും അവരുടെ അക്രമാസക്തമായ സ്വഭാവവും സ്ത്രീകളോടുള്ള ബഹുമാനക്കുറവും കാരണം ഇന്ത്യൻ അല്ലെങ്കിൽ അറബ് ഇടപാടുകാരെ കാണാൻ വിസമ്മതിക്കുന്നു. ഇത് വംശീയതയല്ല, മറിച്ച് അനുഭവങ്ങളിൽ നിന്നുള്ള തിരിച്ചറിവാണ്. ഒരു ദക്ഷിണേഷ്യൻ സ്ത്രീ എന്ന നിലയിലാണ് ഞാൻ ഇത് പറയുന്നത്,” ഒരു യുവതി കുറിച്ചു.
