Last Updated:
ദേശീയ ക്രെഡിറ്റ് ഫ്രെയിംവർക്ക് (NCRF) അടിസ്ഥാനമാക്കിയുള്ള ഈ പുതിയ മാറ്റം വഴി പ്ലസ് ടു യോഗ്യത ഇല്ലാതെ തന്നെ വിദ്യാർത്ഥികൾക്ക് നേരിട്ട് ബിരുദ കോഴ്സുകളിലേക്ക് പ്രവേശനം നേടാൻ സാധിക്കും. കേരളത്തിലെ സാങ്കേതിക വിദ്യാഭ്യാസ മേഖലയെ കൂടുതൽ മുഖ്യധാരയിലേക്ക് എത്തിക്കാനും, കൂടുതൽ യുവജനങ്ങളെ ഉന്നത വിദ്യാഭ്യാസത്തിലേക്ക് ആകർഷിക്കാനും ഈ പ്രവേശന നയം സഹായിക്കുമെന്ന് തീർച്ചയാണ്
കേരളത്തിലെ തൊഴിലധിഷ്ഠിത വിദ്യാഭ്യാസ രംഗത്ത് ചരിത്രപരമായ ഒരു നാഴികക്കല്ല് പിന്നിട്ടുകൊണ്ട്, ഐടിഐ, പോളിടെക്നിക് (Polytechnic) പഠനം പൂർത്തിയാക്കിയ വിദ്യാർത്ഥികൾക്ക് ഉപരിപഠനത്തിനായി കേരള സർക്കാർ പുതിയ പ്രവേശന നയത്തിന് അംഗീകാരം നൽകിയിരിക്കുന്നു. 2026 ഓഗസ്റ്റ് 1-ന് പുറത്തിറങ്ങിയ ഗവൺമെന്റ് ഓർഡർ (G.O.(Ms) No.530/2026/HEDN) പ്രകാരം, സംസ്ഥാനത്തെ ഐ.ടി.ഐ (Industrial Training Institute), പോളിടെക്നിക് ഡിപ്ലോമ (Polytechnic Diploma) യോഗ്യതയുള്ള വിദ്യാർത്ഥികൾക്ക് സംസ്ഥാനത്തെ സർവകലാശാലകൾക്ക് കീഴിലുള്ള എല്ലാ നാല് വർഷ ബിരുദ പ്രോഗ്രാമുകളിലേക്കും (Four-Year Undergraduate Programmes – FYUGP) നേരിട്ട് പ്രവേശനം നേടാനുള്ള ഔദ്യോഗിക സാഹചര്യം നിലവിൽ വന്നു.
