Last Updated:
വിദേശ വിദ്യാര്ത്ഥികള്ക്ക് കേരളത്തില് വന്നു പഠിക്കാന് അവസരം ഒരുക്കുന്ന ”സെമസ്റ്റര് ഇന് കേരള’ പദ്ധതി പുനരാരംഭിച്ച് അക്കാദമിക് ടൂറിസം ശക്തിപ്പെടുത്തും
മാറിക്കൊണ്ടിരിക്കുന്ന ആഗോള തൊഴില് മേഖലയെ കുറിച്ച് പഠിച്ച് കേരളത്തിലെ യുവജനങ്ങളെ സജ്ജരാക്കാന് ‘ഗ്ലോബല് ജോബ് വാച്ച് ടവര്’ ആരംഭിക്കുമെന്ന് മുഖ്യമന്ത്രി വി ഡി സതീശൻ ബജറ്റിൽ പ്രഖ്യാപിച്ചു. അന്താരാഷ്ട്ര മാതൃകയില് കെയര് ഗിവര് സര്ട്ടിഫിക്കറ്റ് കോഴ്സുകള് ആരംഭിക്കും. കേരളത്തിന്റെ തനതായ പാചക കല ലോകത്തിനു മുന്നില് പരിചയപ്പെടുത്താന് പാചകകലാ ഇന്സ്റ്റിറ്റ്യൂട്ട് (Culinary Institute) സ്ഥാപിക്കുമെന്നും ബജറ്റിൽ പ്രഖ്യാപിച്ചു.
ഉന്നതവിദ്യാഭ്യാസമേഖലയുമായി ബന്ധപ്പെട്ട പ്രധാന പ്രഖ്യാപനങ്ങൾ
- വിദ്യാര്ത്ഥികളില് ശാസ്ത്രബോധം വളര്ത്തുന്നതിനും കേരളത്തെ ഒരു ആഗോള വിജ്ഞാന ഹബ്ബായി മാറ്റുന്നതിനുമായി ജവഹര്ലാല് നെഹ്റു സെന്റര് ഫോര് സയന്റിഫിക് ടെംബര് എന്ന ഒരു പുതിയ പദ്ധതി ആവിഷ്കരിക്കുന്നതാണ്.
- നിര്മ്മിത ബുദ്ധി, ക്വാണ്ടം കമ്പ്യൂട്ടിംഗ്, ബയോടെക്നോളജി ഉള്പ്പെടെയുള്ള അത്യാധുനിക സാങ്കേതികവിദ്യയുടെ സാധ്യതകളെ മുന്കൂട്ടി മനസിലാക്കി ഉപയോഗപ്പെടുത്താന് Future Readiness Think Tank രൂപീകരിക്കും.
- വിവിധ ഉന്നത വിദ്യാഭ്യാസ സ്ഥാപനങ്ങളിലെ റിസര്ച്ച് സംവിധാനങ്ങളും നൂതന ആശയങ്ങളും IIT മദ്രാസ് റിസര്ച്ച് പാര്ക്ക് മാതൃകയില് വിപുലീകരിക്കും.
- ബഹിരാകാശ മേഖലയിയില് തൊഴിലവസരം സൃഷ്ടിക്കാന് സാറ്റലൈറ്റ് ടെക്നോളജിക്ക് ഊന്നല് നല്കിയുള്ള ഗവേഷണ സ്ഥാപനങ്ങള് ആരംഭിക്കും. സ്വകാര്യ സാറ്റലൈറ്റ് നിര്മ്മാണ/വിക്ഷേപണ സ്ഥാപനങ്ങള്ക്ക് പ്രോത്സാഹനം നല്കും.
- കേരളത്തെ ഉന്നത വിദ്യാഭ്യാസത്തിന്റെ ഒരു പ്രധാന ലക്ഷ്യസ്ഥാനമാക്കി മാറ്റാനും വിദേശത്തെ ലെഗസി യൂണിവേഴ്സിറ്റികളെ ഉള്പ്പെടെ ആകര്ഷിക്കാനും ‘കേരള നോളജ് വാലി (Kerala Knowledge Valley)’ സ്ഥാപിക്കും.
- വിദേശ വിദ്യാര്ത്ഥികള്ക്ക് കേരളത്തില് വന്നു പഠിക്കാന് അവസരം ഒരുക്കുന്ന ”സെമസ്റ്റര് ഇന് കേരള’ പദ്ധതി പുനരാരംഭിച്ച് അക്കാദമിക് ടൂറിസം ശക്തിപ്പെടുത്തും.
- ആദിവാസി സമൂഹങ്ങളുടെ സവിശേഷമായ സാംസ്കാരിക പൈതൃകം, പരമ്പരാഗത വിജ്ഞാന സമ്പ്രദായങ്ങള്, വികസനാഭിലാഷങ്ങള് എന്നിവയ്ക്കു വേണ്ടി ”വയനാട് ട്രൈബല് സര്വകലാശാലയും തദ്ദേശീയ വിജ്ഞാന മേഖലയും”ആരംഭിക്കും.
- കേരളത്തിലെ ക്യാമ്പസുകളില് ‘Student diverstiy, Student mobility എന്നിവയ്ക്ക്പരിഗണന നല്കും.
- റാഗിങ് തടയാന് ‘Sidharthan Student Distress App’, റാഗിംഗ് തടയാനും വിദ്യാര്ത്ഥികളുടെ ക്ഷേമം ഉറപ്പുവരുത്താനും ‘Sidharthan Anti Ragging & Student Welfare Act’ നടപ്പാക്കും.
- ബിരുദധാരികള്ക്ക് വേഗത്തില് ജോലി ലഭിക്കാന് സഹായിക്കുന്ന ബ്രിഡ്ജ് പ്രോഗ്രാമുകളും കോഴ്സുകളും നടപ്പിലാക്കും.
- അക്കാദമിക് വിഷയങ്ങള് അമിത രാഷ്ട്രീയ ഇടപെടല് ഒഴിവാക്കാന് അക്കാദമിക് കൗണ്സില് രൂപീകരിക്കും.
- സൃഷ്ടിപരമായ കഴിവുകളും സാങ്കേതിക മികവുകളും ഒരുമിപ്പിച്ച് ഭാവിയിലെ സമ്പദ് വ്യവസ്ഥയുടെയും വ്യവസായങ്ങളുടെയും പ്രധാന ചാലക ശക്തിയായി ജെന് -Z ആന്റ് ന്യൂ ജെന് തലമുറയെ മാറ്റാനുള്ള പദ്ധതികള് രൂപീകരിക്കും.
Location :
Thiruvananthapuram,Kerala
First Published :
Jun 19, 2026 12:48 PM IST
മലയാളം വാർത്തകൾ/ വാർത്ത/Career/
ഗ്ലോബല് ജോബ് വാച്ച് ടവറും കേരള നോളജ് വാലിയും; സമ്പദ് വ്യവസ്ഥയിലെ ചാലക ശക്തിയായി ജെൻ സികളെ മാറ്റുമെന്നും പ്രഖ്യാപനം
