ഹെലികോപ്ടറിന് മുന്നിൽ വച്ച് കാമുകിയെ പ്രൊപ്പോസ് ചെയ്ത ആർമി പൈലറ്റ്; വൈറൽ | Buzz News

വിവാഹാഭ്യർഥനയുടെ വീഡിയോ വളരെ വേഗത്തിൽ സോഷ്യൽ മീഡിയയിൽ വൈറലായി. സൈനിക നേട്ടവും പ്രണയവും മനോഹരമായി ഒത്തുചേർന്ന ഈ നിമിഷത്തെ നിരവധി പേർ പ്രശംസിച്ചു. ബിരുദദാന ചടങ്ങിന് ശേഷമുള്ള ആഘോഷങ്ങൾക്കിടയിൽ നടന്ന ഈ വികാരനിർഭരമായ രംഗം വീഡിയോയിൽ വ്യക്തമായി കാണാം.

“ഇന്ന് ഞങ്ങളെല്ലാവരും പൈലറ്റുമാരും പരിശീലകരുമായി മാറിയ ദിനമാണ്. ഞങ്ങൾ എല്ലാവർക്കും ഇത് വളരെ വലിയ നിമിഷമാണ്. ഞങ്ങളുടെ കഠിനാധ്വാനത്തിന്റെ ഫലം ലഭിച്ചു. കഴിഞ്ഞ അഞ്ച് വർഷമായി ഞങ്ങൾ പരസ്പരം അറിയുന്നവരാണ്. അവളോട് വിവാഹാഭ്യർഥന നടത്താൻ ഇതിലും നല്ലൊരു ദിവസം വേറെയില്ലെന്ന് ഞാൻ കരുതുന്നു. എന്റെ കുടുംബത്തിനും ഇത് വളരെ പ്രധാനപ്പെട്ട ദിവസമാണ്. എന്റെ പ്രതിശ്രുതവധുവിനും ഈ ദിവസം മറക്കാനാവാത്തതാക്കി മാറ്റണമെന്നായിരുന്നു എന്റെ ആഗ്രഹം. അതായിരുന്നു ഇതിന്റെ പിന്നിലെ ആശയം,” ക്യാപ്റ്റൻ ഭരത് എഎൻഐയോട് പറഞ്ഞു.

സോഷ്യൽ മീഡിയ ഉപയോക്താക്കൾ ഈ വിവാഹാഭ്യർഥനയെ ചലച്ചിത്ര സമാനമായ സംഭവമായി ഉപമിച്ചു. ഇത്രയും പ്രത്യേകമായ ഒരു അവസരത്തിലാണ് വിവാഹാഭ്യർഥന നടന്നതെന്നത് ആ നിമിഷത്തെ കൂടുതൽ മനോഹരമാക്കിയെന്നും പലരും അഭിപ്രായപ്പെട്ടു. തന്റെ കരിയറിലെ ഏറ്റവും വലിയ നേട്ടങ്ങളിലൊന്നായ ഈ ദിനം താൻ സ്നേഹിക്കുന്ന വ്യക്തിയുമായി പങ്കുവെച്ച യുവ സൈനിക ഉദ്യോഗസ്ഥനെ നിരവധി പേർ അഭിനന്ദിക്കുകയും നവദമ്പതികൾക്ക് ആശംസകൾ നേരുകയും ചെയ്തു.

പ്രണയ നിമിഷം ഇന്റർനെറ്റ് ആഘോഷിച്ചെങ്കിലും, ക്യാപ്റ്റൻ ഭരദ്വാജിന്റെ പ്രവർത്തനങ്ങൾ സേനയിൽ അത്ര നല്ല രീതിയിലല്ല സ്വീകരിച്ചത് എന്ന് പ്രതിരോധ ഉദ്യോഗസ്ഥർ സിഎൻഎൻ-ന്യൂസ് 18 നോട് സ്ഥിരീകരിച്ചു. ഇദ്ദേഹത്തിന് കാരണം കാണിക്കൽ നോട്ടീസ് ലഭിക്കാൻ സാധ്യതയുണ്ട്. സംഭവം സൈനിക പ്രോട്ടോക്കോളിന്റെയും മര്യാദയുടെയും ലംഘനമായി കണക്കാക്കപ്പെടുന്നുവെന്ന് ഈ വിഷയവുമായി പരിചയമുള്ള ഉദ്യോഗസ്ഥർ പറയുന്നു.