Astrology
oi-Nidhin Illikkambath
ജ്യോതിഷ പ്രകാരമുള്ള രാജയോഗങ്ങൾ വന്നുചേരാൻ ആഗ്രഹിക്കാത്തവർ നമുക്കിടയിൽ അധികമുണ്ടാവില്ല. നമ്മുടെ ജീവിതത്തിലെ സകല ദുരിതങ്ങളെയും അകറ്റികൊണ്ട് ഉന്നതിയുടെ പുതിയ വഴി തുറന്നുതരാൻ ശേഷിയുള്ളതാണ് ഈ യോഗങ്ങൾ. എങ്കിലും കേവലമായ ആഗ്രഹങ്ങൾ കൊണ്ട് മാത്രം നമ്മളെ തേടിയെത്തുന്നവയാണോ രാജയോഗങ്ങൾ? ഒരിക്കലും അങ്ങനെയല്ല. പിന്നെ എന്താണ് അവയിലേക്ക് എത്താൻ കാരണം.
എന്നാൽ സാധാരണയായി ചില ഗ്രഹങ്ങൾ തമ്മിൽ കൂടിച്ചേരുമ്പോഴോ അതല്ലെങ്കിൽ ഏതെങ്കിലും ഗ്രഹം രാശിമാറുകയോ ചെയ്യുമ്പോഴാണ് സവിശേഷമായ ഇത്തരം യോഗങ്ങൾ വന്നുചേരുന്നത്. ഒന്നോ രണ്ടോ രാജയോഗങ്ങൾ ഒരുമിച്ചെത്തുന്ന സ്ഥിതിവിശേഷവും ചിലപ്പോൾ ഉണ്ടാവാറുണ്ട്. അത്തരത്തിൽ ഒരു രാജയോഗത്തിനാണ് ഇക്കുറി ചില രാശികൾ സാക്ഷ്യം വഹിക്കാൻ പോവുന്നത്.
വേദജ്യോതിഷം അനുസരിച്ച് ജാതകത്തിൽ സൂര്യനും ബുധനും കൂടിച്ചേരുമ്പോൾ ബുധാദിത്യ രാജയോഗമുണ്ടാവും. ഇപ്പോഴിതാ അത് സംഭവിച്ചു കഴിഞ്ഞിരിക്കുകയാണ്. ഓഗസ്റ്റ് 22-ന്, ചിങ്ങം രാശിയിൽ നിലവിലുള്ള സൂര്യനോടൊപ്പം ബുധൻ കൂടി ചേരുമ്പോൾ ശക്തമായ ഒരു ‘ബുധാദിത്യ രാജയോഗം’ രൂപപ്പെട്ടു കഴിഞ്ഞു. ഇത് ചില രാശികൾക്ക് വലിയ നേട്ടമാണ് കൊണ്ട് നൽകുക.
മേടം
ഈ കാലയളവ് കരിയറിൽ മുന്നേറ്റത്തിനുള്ള അവസരങ്ങൾ കൊണ്ടുവരും. ജോലിയിൽ പുതിയ ഉത്തരവാദിത്തങ്ങൾ ലഭിക്കാനും ആഗ്രഹിച്ച പ്രമോഷൻ അല്ലെങ്കിൽ കൂടിയ ശമ്പളത്തോട് കൂടിയ സ്ഥാനക്കയറ്റത്തിനുള്ള സാധ്യത വർധിക്കുകയും ചെയ്യും. മേലുദ്യോഗസ്ഥരുടെ ശ്രദ്ധയും അംഗീകാരവും ലഭിക്കാനുള്ള സാധ്യതയുണ്ട്. സാമ്പത്തികമായി വരുമാനം വർധിപ്പിക്കാനുള്ള പുതിയ വഴികൾ തുറക്കും.
മിഥുനം
ബുധാദിത്യ രാജയോഗം ബിസിനസ്, ആശയവിനിമയം, സാമ്പത്തിക കാര്യങ്ങൾ എന്നിവയിൽ പ്രത്യേക ഗുണം നൽകാം. ബിസിനസ് ചെയ്യുന്നവർക്ക് പുതിയ കരാറുകളും ക്ലയന്റുകളും ലഭിക്കാം. എഴുത്ത്, അധ്യാപനം, മാധ്യമം, ഐടി, മാർക്കറ്റിംഗ്, സെയിൽസ് തുടങ്ങിയ മേഖലകളിൽ പ്രവർത്തിക്കുന്നവർക്ക് മികച്ച അവസരങ്ങൾ ലഭിച്ചേക്കാം. സാമ്പത്തികമായി ഏറെക്കാലമായി കുടുങ്ങിക്കിടന്ന പണം തിരികെ ലഭിക്കാനും പുതിയ വരുമാന മാർഗങ്ങൾ കണ്ടെത്താനും സാധ്യത.
ചിങ്ങം
ഈ യോഗത്തിന്റെ ഫലം ഇവർക്ക് കൂടുതൽ ശക്തമായി അനുഭവപ്പെടാൻ സാധ്യതയുണ്ട്, കാരണം ബുധാദിത്യ രാജയോഗം ചിങ്ങം രാശിയിലാണ് രൂപപ്പെടുന്നത്. ആത്മവിശ്വാസവും നേതൃത്വശേഷിയും വർധിക്കും. ജോലിയിൽ പുതിയ സ്ഥാനം, അധിക ഉത്തരവാദിത്തം അല്ലെങ്കിൽ അംഗീകാരം ലഭിക്കാം. സമൂഹത്തിൽ പേരും പ്രശസ്തിയും വർധിക്കാനും മറ്റുള്ളവരുടെ ശ്രദ്ധ നേടാനും സാധ്യതയുണ്ട്.
വൃശ്ചികം
കരിയറിലും സാമ്പത്തിക കാര്യങ്ങളിലും ഈ കാലയളവിൽ പുരോഗതി പ്രതീക്ഷിക്കാം. ഏറെക്കാലമായി ശ്രമിച്ചിരുന്ന കാര്യങ്ങളിൽ ഫലം ലഭിക്കാൻ തുടങ്ങാം. സാമ്പത്തിക സ്ഥിതി മെച്ചപ്പെടുകയും വരുമാന മാർഗങ്ങൾ വർധിക്കുകയും ചെയ്യാം. എങ്കിലും പ്രധാനപ്പെട്ട സാമ്പത്തിക തീരുമാനങ്ങൾ എടുക്കുമ്പോൾ ശ്രദ്ധയും ആലോചനയും ആവശ്യമാണ്. നല്ല ശമ്പളമുള്ള പുതിയൊരു ജോലി ഈ രാശിക്കാരെ തേടിയെത്തുമെന്ന് കരുതുന്നു.
ഇടവം
സാമ്പത്തിക സ്ഥിരതയും കുടുംബസുഖവുമാണ് പ്രധാനമായും പ്രതീക്ഷിക്കുന്ന നേട്ടങ്ങൾ. ശമ്പളവർധന, അധിക വരുമാനം അല്ലെങ്കിൽ പുതിയ സാമ്പത്തിക അവസരങ്ങൾ വന്നുചേരും. കുടുംബത്തിൽ സന്തോഷകരമായ വാർത്തകൾ ഉണ്ടാകും. വീടുമായി ബന്ധപ്പെട്ട കാര്യങ്ങളിൽ പുരോഗതി ഉണ്ടാകാനും സാധ്യത. കൈനിറയെ പണം വന്നുചേരും. സുഹൃത്തുക്കൾ, ബന്ധുക്കൾ എന്നിവർ ആപത്ത് കാലത്ത് രക്ഷകരായി വരും.