Partner Content
oi-Sajitha Gopie
നിക്ഷേപത്തിനുള്ള ഏറ്റവും വലിയ റിസ്ക്കുകൾ വൈകാരികമാണ്.
നിക്ഷേപത്തെ കേന്ദ്രീകരിച്ച് ഇതുവരെ നടത്തിയിട്ടുള്ളതിൽ വച്ച് ഏറ്റവും ശക്തമായ നിരീക്ഷണങ്ങളിൽ ഒന്നാണിത്. ഇതിൽ നിക്ഷേപത്തെക്കുറിച്ചുള്ള ഏറ്റവും ലളിതമായ ഒരു സത്യം അടങ്ങിയിരിക്കുന്നതിനാൽ ഞാൻ പലപ്പോഴും ഈ ഉദ്ധരണിയെക്കുറിച്ച് പറയാറുണ്ട്.
ഇത് വിപണി എന്നതിൽ നിന്നും കൂടുതൽ ശക്തമായ മറ്റൊന്നിലേക്ക് ശ്രദ്ധ തിരിക്കുന്നു:
“മനുഷ്യൻറെ പെരുമാറ്റം.”
വിപണിയിലെ തകർച്ചകൾ, പണപ്പെരുപ്പം, പലിശ നിരക്കുകൾ അല്ലെങ്കിൽ ഭൂമിശാസ്ത്രപരവും രാഷ്ട്രീയവുമായ സംഭവങ്ങൾ എന്നിവയാണ് നമ്മുടെ നിക്ഷേപങ്ങൾക്കുള്ള ഏറ്റവും വലിയ റിസ്കുകൾ എന്നു നമ്മളിൽ പലരും കരുതുന്നു.
ഈ റിസ്കുകൾ പ്രധാനമാണ്.
എന്നാൽ വർഷങ്ങളായി, ദീർഘകാല സമ്പത്ത് സൃഷ്ടിക്കുന്നതിലുള്ള ഏറ്റവും വലിയ റിസ്ക് പലപ്പോഴും വിപണിയിൽ സംഭവിക്കുന്നതല്ല, മറിച്ച് വിപണിയിൽ സംഭവിക്കുന്നതിനോട് നാം എങ്ങനെ പ്രതികരിക്കുന്നു എന്നു ഞാൻ മനസ്സിലാക്കിയിട്ടുണ്ട്.
ചരിത്രത്തിലെ ഓരോ പ്രധാന വിപണി പ്രതിസന്ധിയും വ്യത്യസ്തമായി കാണപ്പെട്ടിട്ടുണ്ട്.
ഡോട്ട്-കോം ബബിൾ സാങ്കേതികവിദ്യയുമായി ബന്ധപ്പെട്ടതായിരുന്നു.
ആഗോള സാമ്പത്തിക പ്രതിസന്ധി ഭവന നിർമ്മാണം, കടമെടുത്ത പണം ഉപയോഗിച്ച് നിക്ഷേപം നടത്തൽ എന്നിവയുമായി ബന്ധപ്പെട്ടതായിരുന്നു.
കോവിഡ് തകർച്ച ഒരു മഹാമാരിയുമായി ബന്ധപ്പെട്ടായിരുന്നു.
അടുത്തിടെ, വർദ്ധിച്ചുവരുന്ന പണപ്പെരുപ്പം, ഭൗമരാഷ്ട്രീയ അനിശ്ചിതത്വം, പലിശ നിരക്ക് വർദ്ധനവ് എന്നിവ നിക്ഷേപകരുടെ ആത്മവിശ്വാസം ആവർത്തിച്ച് പരീക്ഷിക്കുകയുണ്ടായി.
എന്നിരുന്നാലും, ഈ കാര്യങ്ങളിലുടനീളം മിക്ക നിക്ഷേപകരുടെയും പെരുമാറ്റം എല്ലായിടത്തും സമാനമായി തുടർന്നു.
നിക്ഷേപത്തിന്റെ ഏറ്റവും വലിയ വിരോധാഭാസങ്ങളിലൊന്ന്, രണ്ട് നിക്ഷേപകർ ഒരേ നിക്ഷേപം സ്വന്തമാക്കുമ്പോൾ പോലും അവ വളരെ വ്യത്യസ്തമായ ഫലങ്ങൾ ഉണ്ടാക്കുന്നു എന്നതാണ്.
വിപണിയിലുണ്ടാകുന്ന ഓരോ തിരുത്തലും രണ്ട് തരത്തിലുള്ള നഷ്ടങ്ങൾ സൃഷ്ടിക്കുന്നു. ആദ്യത്തേത് വിപണികൾ മൂലമാണ്. രണ്ടാമത്തേത് നിക്ഷേപകർ മൂലമാണ്.
രണ്ടാമത്തേത് പലപ്പോഴും കൂടുതൽ വലുതാണെന്ന് ചരിത്രം സൂചിപ്പിക്കുന്നു.
വിപണികൾ ഇടിഞ്ഞു വീഴുമ്പോൾ, ഭയം ആധിപത്യം സ്ഥാപിക്കുന്നു. നഷ്ടഭീതി പലപ്പോഴും നിക്ഷേപകരെ പുറത്തുകടക്കാൻ പ്രേരിപ്പിക്കുന്നു. വിപണികൾ അനിശ്ചിതത്വത്തിലാകുമ്പോൾ, പല നിക്ഷേപകരും ഏതൊരു സാധാരണ മനുഷ്യനും ചെയ്യുന്നതുപോലെ ചെയ്യുന്നു. അവർ സുനിശ്ചിതമായതിനെ പിന്തുടരും. നഷ്ടം തടയാൻ അവർ ആഗ്രഹിക്കും. അവർക്ക് സുരക്ഷ വേണം. അതിനാൽ, അവർ പുറത്തുകടന്ന് വ്യക്തത തിരിച്ചുവരുന്നതുവരെ കാത്തിരിക്കുന്നു. അപ്പോൾ തുടർന്ന് രസകരമായ ചിലതു സംഭവിക്കുന്നു.
ചരിത്രപരമായി, വിപണികൾ എപ്പോഴും പൂർവ്വസ്ഥിതി വീണ്ടെടുത്തിട്ടുണ്ട്. ഉടനടി അല്ല. പ്രവചിക്കാനാവുന്ന വിധത്തിലുമല്ല. പക്ഷേ ഒടുവിൽ അവ സംഭവിക്കുന്നു. അപ്പോഴാണ് മിക്ക നിക്ഷേപകർക്കും പൂർവ്വസ്ഥിതി വീണ്ടെടുക്കുന്ന പ്രക്രിയയിൽ നിന്നും നഷ്ടമുണ്ടാകുന്നത്.
പതിനഞ്ച് വർഷത്തോളം നിക്ഷേപം തുടർന്നതിൽ ഖേദിക്കുന്ന നിക്ഷേപകരെ ഞാൻ അപൂർവമായി മാത്രമേ കണ്ടിട്ടുള്ളൂ. എന്നാൽ വിപണികൾ അസ്ഥിരമായിരുന്നപ്പോൾ പിൻവാങ്ങാനെടുത്ത തീരുമാനത്തിൽ ഖേദിക്കുന്ന പലരെയും ഞാൻ കണ്ടിട്ടുണ്ട്.
അതുകൊണ്ടാണ് നിക്ഷേപിക്കുന്നതിൽ വികാരങ്ങൾക്ക് ഇത്രയധികം പ്രാധാന്യം ഉള്ളത്.
താൽക്കാലിക തകർച്ചകൾ ശാശ്വതമാണെന്ന് ഭയം നമ്മളെ വിശ്വസിപ്പിക്കുന്നു. നല്ല സമയങ്ങൾ എന്നേക്കും നിലനിൽക്കുമെന്ന് അത്യാഗ്രഹം നമ്മളെ ബോധ്യപ്പെടുത്തുന്നു. അക്ഷമ നമ്മളെ ഹ്രസ്വകാലം കൊണ്ട് ദീർഘകാല വരുമാനം പ്രതീക്ഷിക്കാൻ പ്രേരിപ്പിക്കുന്നു. ഈ വികാരങ്ങൾ ഒരുമിച്ചുചേർന്നുകൊണ്ട്, പലപ്പോഴും വിപണി വരുമാനത്തിനും നിക്ഷേപകരുടെ വരുമാനത്തിനും ഇടയിൽ ഒരു വിടവ് സൃഷ്ടിക്കുന്നു.
ഈ വികാരങ്ങൾ വരുന്നത് സ്വാഭാവികമാണ്. ഇത് തികച്ചും സാധാരണമാണ്; ഓരോ നിക്ഷേപകനും അവ അനുഭവിക്കുന്നു. നിക്ഷേപകർ ഈ വികാരങ്ങളെ എങ്ങനെ കൈകാര്യം ചെയ്യുന്നു എന്നതാണ് യഥാർത്ഥത്തിൽ വ്യത്യാസം ഉണ്ടാക്കുന്നത്.
എന്റെ അഭിപ്രായത്തിൽ, വിജയകരമായ നിക്ഷേപകർ അപൂർവമായി മാത്രമേ വിപണിയെക്കുറിച്ച് കൃത്യമായി പ്രവചിക്കുന്നുള്ളൂ, എന്നാൽ മറ്റുള്ളവർ വിപണിയിലെ ഉയർച്ച താഴ്ചകളോട് വൈകാരികമായി പ്രതികരിക്കുമ്പോൾ ശാന്തത പാലിക്കുന്നവരാണ് അവർ.
ഇന്ന് ഇതിൽ കൂടുതൽ പ്രയാസം സൃഷ്ടിക്കുന്നത് നമുക്ക് ലഭ്യമാകുന്ന വിവരങ്ങളുടെ അളവാണ്. ഒരു തലമുറ മുമ്പ്, നിക്ഷേപകർ ഇടയ്ക്കിടെ വിപണിയിലെ അപ്ഡേറ്റുകൾ പരിശോധിച്ചിരുന്നു. എന്നാൽ ഇന്ന്, വിപണി നമ്മുടെ പോക്കറ്റുകളിലാണ്.
വാർത്താ അലേർട്ടുകൾ, സോഷ്യൽ മീഡിയ പോസ്റ്റുകൾ, വിദഗ്ദ്ധ അഭിപ്രായങ്ങൾ, വാട്ട്സ്ആപ്പ് ഫോർവേഡുകൾ എന്നിവ നമ്മുടെ ശ്രദ്ധ പിടിച്ചുപറ്റാൻ എല്ലാ ദിവസവും മത്സരിക്കുന്നു. വിവരങ്ങൾ ലഭിക്കാതിരിക്കുക എന്നതല്ല ഇന്നത്തെ വെല്ലുവിളി. മറിച്ച്, വിവരങ്ങളുടെ ഈ അമിതഭാരത്തോട് നമ്മൾ എങ്ങനെ പ്രതികരിക്കുന്നു എന്നതാണ് വെല്ലുവിളി.
ബുദ്ധിശക്തിയുടെ അഭാവമോ വിവരങ്ങളുടെ ലഭ്യതക്കുറവോ മൂലം സമ്പത്തിൻറെ സൃഷ്ടി നശിക്കുന്നത് വളരെ അപൂർവമായിട്ടാണ്. പലപ്പോഴും ഭയം, അത്യാഗ്രഹം, അക്ഷമ, അമിത ആത്മവിശ്വാസം, വിപണിയിലെ ചാഞ്ചാട്ടങ്ങളോടുള്ള വൈകാരിക പ്രതികരണങ്ങൾ എന്നിവയാൽ സമ്പത്തിൻറെ സൃഷ്ടിക്ക് നാശം സംഭവിക്കുന്നു.
വിപണികൾ എപ്പോഴും പ്രവചനാതീതമായിരിക്കും. എപ്പോഴും വിഷമിക്കാൻ ഒരു കാരണമുണ്ടാകും. വികാരങ്ങൾ നമ്മെ വിപരീതമായി പ്രവർത്തിക്കാൻ പ്രേരിപ്പിക്കുമ്പോൾ, ഒരു ദീർഘകാല നിക്ഷേപ പദ്ധതിയിൽ നമുക്ക് എങ്ങനെ അച്ചടക്കം പാലിക്കാൻ കഴിയും എന്നതാണ് യഥാർത്ഥ വെല്ലുവിളി.
യുദ്ധങ്ങൾ, മാന്ദ്യം, പകർച്ചവ്യാധികൾ, സാമ്പത്തിക പ്രതിസന്ധികൾ എന്നിവയിൽ നിന്ന് വിപണികൾ കരകയറിയതായി ചരിത്രം തെളിയിച്ചിട്ടുണ്ട്. ആ കരകയറലിൽ നിന്ന് പ്രയോജനം നേടുന്നതിനായി നിക്ഷേപകർക്ക് ദീർഘകാലം നിക്ഷേപം തുടരാൻ കഴിയുമോ എന്നതാണ് ഏറ്റവും വലിയ ചോദ്യം.
കാരണം നിക്ഷേപത്തിൽ, ഏറ്റവും വലിയ റിസ്ക് പലപ്പോഴും വിപണി മാത്രമല്ല. മറിച്ച്, നമ്മൾ അതിനോട് എങ്ങനെ പ്രതികരിക്കുന്നു എന്നതാണ്.
*മുൻകാലങ്ങളിലെ പ്രകടനം ഭാവിയിൽ നിലനിർത്തുകയോ നിലനിർത്താതിരിക്കുകയോ ചെയ്യാം.
-ഗണേഷ് മോഹൻ, മാനേജിംഗ് ഡയറക്ടർ, ബജാജ് അസറ്റ് മാനേജ്മെന്റ് ലിമിറ്റഡ്