Last Updated:
31-ാമത് കേരള രാജ്യാന്തര ചലച്ചിത്രമേളയുടെ (ഐ.എഫ്.എഫ്.കെ) വിവിധ വിഭാഗങ്ങളില് പ്രദര്ശിപ്പിക്കുന്നതിനുള്ള സിനിമകള് തെരഞ്ഞെടുക്കുന്നതിനായി ചലച്ചിത്ര അക്കാദമി എന്ട്രികള് ക്ഷണിച്ചു.
ഓഗസ്റ്റ് ഒന്ന് രാവിലെ പത്തു മണി മുതല് iffk.in എന്ന വെബ്സൈറ്റ് മുഖേന എന്ട്രികള് സമര്പ്പിക്കാം. അപേക്ഷകള് സ്വീകരിക്കുന്ന അവസാന തീയതി 2026 സെപ്റ്റംബര് 10.
അന്താരാഷ്ട്ര മല്സര വിഭാഗം, ഇന്ത്യന് സിനിമ നൗ, മലയാളം സിനിമ റ്റുഡേ, വേൾഡ് സിനിമ എന്നീ വിഭാഗങ്ങളില് 2025 സെപ്റ്റംബര് ഒന്നിനും 2026 ഓഗസ്റ്റ് 31നുമിടയില് നിര്മ്മാണം പൂര്ത്തിയാക്കിയ ചിത്രങ്ങളാണ് പരിഗണിക്കുക.
കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന 31-ാമത് ഐ.എഫ്.എഫ്.കെ 2026 ഡിസംബര് 11 മുതല് 18 വരെയാണ് തിരുവനന്തപുരത്ത് സംഘടിപ്പിക്കുന്നത്.
ഈ വാർത്ത നിങ്ങൾ ആദ്യം വായിക്കുന്നത് ന്യൂസ് 18 മലയാളത്തിലാണ്. ഇതേ ലേഖനത്തിൽ ഞങ്ങൾ കൂടുതൽ വിശദാംശങ്ങൾ ചേർക്കുന്നു. കൂടുതൽ വിവരത്തിനായി malayalam.news18.com-മായി ബന്ധപ്പെട്ട് തുടരുക. ഏറ്റവും പുതിയ വാർത്തകൾ നേടുക.
