വീട്ടിൽ നിന്നുള്ള ജോലി ഓഫീസിലേക്ക് മാറ്റി; രണ്ടു ദിവസം യാത്ര, ദിവസവും 115 കിലോമീറ്റർ; ജോലി മാറാൻ ഇത് മതിയോ?  | Buzz News

തുടക്കത്തിൽ പൂർണ്ണമായും റിമോട്ട് ആയിരുന്ന ജോലി പിന്നീട് ഹൈബ്രിഡ് ആക്കി മാറ്റിയതാണ് ഏറ്റവും വലിയ പ്രശ്നമെന്ന് ഇയാൾ വ്യക്തമാക്കുന്നു. ആഴ്ചയിൽ രണ്ട് ദിവസങ്ങളിൽ ഓഫീസിൽ എത്താനായി ദിവസവും 115 കിലോമീറ്റർ യാത്ര ചെയ്യേണ്ടി വരുന്നുണ്ടെന്നും, പുതിയ ജോലി അന്വേഷിക്കാൻ ഇത് തന്നെയാണോ കാരണം എന്നും ഇയാൾ ചോദിക്കുന്നു. ഇതിനിടയിൽ മറ്റൊരു റിമോട്ട് ജോലിക്ക് അഭിമുഖം ലഭിച്ചതായും, ജോലി മാറാനുള്ള ഈ കാരണം അഭിമുഖത്തിൽ എങ്ങനെ വിശദീകരിക്കണം എന്നതിനെക്കുറിച്ച് ഉപയോക്താക്കളുടെ സഹായം തേടുകയും ചെയ്തു.

ഇന്റർനെറ്റ് ഉപയോക്താക്കൾ ഇതിന് വിവിധ തരത്തിലുള്ള മറുപടികളുമായി രംഗത്തെത്തി. തൊഴിൽപരമായ വളർച്ചയാണ് പ്രധാന കാരണമായി പറയേണ്ടത് എന്നും, റിമോട്ട് ഫ്ലെക്സിബിലിറ്റിക്ക് പുറമെ ആ കമ്പനി ചെയ്യുന്ന കാര്യങ്ങളിലും തനിക്ക് താൽപ്പര്യമുണ്ടെന്ന് പുതിയ കമ്പനിയോട് വ്യക്തമാക്കണമെന്നും ഒരാൾ നിർദ്ദേശിച്ചു. കമ്പനികൾ പൂർണ്ണമായും റിമോട്ട് ആണെന്ന് അവകാശപ്പെടുമ്പോൾ, ഓഫർ ലെറ്ററിൽ ഒരിക്കലും ഓഫീസിൽ നിന്ന് ജോലി ചെയ്യാൻ ആവശ്യപ്പെടില്ലെന്ന തരത്തിലുള്ള ഒരു വ്യവസ്ഥ ചേർക്കാമോ എന്ന് ചോദിച്ചുനോക്കാൻ മറ്റൊരാൾ ഉപദേശിച്ചു. ആഴ്ചയിൽ രണ്ടുദിവസം 115 കിലോമീറ്റർ യാത്ര ചെയ്യുന്നത് പ്രതിമാസം ഏകദേശം 900 കിലോമീറ്ററോളം വരും എന്ന കാര്യം മറ്റൊരാൾ ചൂണ്ടിക്കാണിച്ചു.

പിന്നീട് നൽകിയ അപ്ഡേറ്റിൽ, തനിക്ക് ലഭിച്ച അഭിമുഖത്തിൽ താൻ പറഞ്ഞ മറുപടിയെക്കുറിച്ച് മാർക്കറ്റിംഗ് പ്രൊഫഷണൽ വ്യക്തമാക്കി. ചെറിയ കമ്പനിയായതിനാൽ അവിടെ തൊഴിൽ നഷ്ടങ്ങൾ (lay-offs) നടക്കുന്നുണ്ടെന്നും, 60 കിലോമീറ്റർ അകലെ അവർ ഒരു ഓഫീസ് തുറന്നിട്ടുണ്ടെന്നും താൻ തന്ത്രപരമായി പറഞ്ഞുവച്ചതായി അദ്ദേഹം വെളിപ്പെടുത്തി. എന്തുകൊണ്ടാണ് റിമോട്ട് ജോലികൾ മാത്രം നോക്കുന്നത് എന്ന് അഭിമുഖത്തിൽ ചോദിച്ചപ്പോൾ, താൻ റിമോട്ട് ജോലികൾ മാത്രമല്ല നോക്കുന്നത് എന്നും, പകരം യാത്ര ചെയ്യാൻ എളുപ്പമുള്ള ദൂരത്തിലുള്ള ജോലികളാണ് താൻ തേടുന്നതെന്നും വ്യക്തമാക്കിയതായും അദ്ദേഹം കൂട്ടിച്ചേർത്തു.