‘ഓഫീസർ ഓൺ ഡ്യൂട്ടി’ നിർമാതാക്കൾക്കെതിരെ കേസ്; കണ്ണൂർ സ്വദേശിയുടെ മൊബൈൽ നമ്പർ സിനിമയിൽ | സിനിമാ വാർത്ത

വ്യക്തിവിവര മോഷണക്കുറ്റം ചുമത്തും. സ്ട്രീമിം​ഗ് കമ്പനി നെറ്റ് ഫ്‌ളിക്‌സിനെതിരെയും കേസെടുക്കും. മെറ്റ കമ്പനിയും വാട്‌സ്ആപ്പും കേസില്‍ പ്രതികളാകും. ചിത്രത്തിൽ മൊബൈൽ നമ്പർ കാണിച്ചതിന് പിന്നാലെ യുവാവിന്റെ ഫോണിലേക്ക് നിരവധി കോളുകൾ വന്നിരുന്നു. ഭീഷണിസന്ദേശങ്ങളും ലഭിച്ചിരുന്നു. തുടർന്നാണ് നിർമാതാക്കൾക്കെതിരെ നടപടി ആവശ്യപ്പെട്ട് യുവാവ് രം​ഗത്തെത്തിയത്.

മൊബൈൽ നമ്പർ നൽകിയത് തന്റെ വ്യക്തിജിവിതത്തെ ബാധിച്ചെന്നും ഡമ്മി നമ്പർ ഉപയോ​ഗിക്കുന്നതിൽ നിർമാതാക്കൾക്ക് വീഴ്ച സംഭവിച്ചെന്നും യുവാവ് ആരോപിച്ചു. അനുമതി വാങ്ങാതെയാണ് പരാതിക്കാരനിൽ നിന്ന് നമ്പർ വാങ്ങിയത്.

പേഴ്സണൽ മൊബൈൽ ഫോൺ നമ്പർ‌ ഉപയോ​ഗിച്ചത് വ്യക്തിവിവരങ്ങളുടെ മോഷണമാണെന്നും ഐടി നിയമപ്രകാരം കുറ്റകരമാണെന്നും കണ്ടെത്തിയിട്ടുണ്ട്. ഇത് കാരണം തനിക്ക് ഏറെ ബുദ്ധിമുട്ട് അനുഭവിക്കേണ്ടി വന്നതായും പരാതിക്കാരൻ പറഞ്ഞു.