അപ്പോ അതങ്ങ് ഉറപ്പിച്ചോ! സോഷ്യല്‍ മീഡിയയില്‍ തരംഗമായി ബേസിലിന്റെ പോസ്റ്റ്; അല്ലു അര്‍ജുന്‍ ചിത്രത്തിന്റെ സൂചനയെന്ന് ആരാധകര്‍ | സിനിമാ വാർത്ത

തെലുങ്ക് സൂപ്പർസ്റ്റാർ അല്ലു അർജുനെ ആരാധകരും സിനിമാ ലോകവും വിശേഷിപ്പിക്കുന്നത് ‘ഐക്കൺ സ്റ്റാർ’ എന്നാണ്. അതുകൊണ്ടുതന്നെ ബേസിൽ പങ്കുവെച്ച ചിത്രത്തിലെ ‘ഐക്കൺ’ എന്ന വാക്ക് അല്ലു അർജുൻ ചിത്രത്തിലേക്കുള്ള വ്യക്തമായ സൂചനയാണെന്നാണ് ആരാധകരുടെ വിലയിരുത്തൽ. ബേസിലിന്റെ ഈ പോസ്റ്റിന് താഴെ നടൻ ടൊവിനോ തോമസ് അടക്കമുള്ള പ്രമുഖ താരങ്ങൾ കമന്റുകളുമായി എത്തിയിട്ടുണ്ട്.

ബോളിവുഡ് താരം രൺവീർ സിംഗിനെ നായകനാക്കി ബേസിൽ ജോസഫ് ‘ശക്തിമാൻ’ സിനിമയൊരുക്കാൻ തയ്യാറെടുപ്പുകൾ നടത്തിയിരുന്നുവെങ്കിലും പിന്നീട് ആ പ്രൊജക്റ്റ് ഉപേക്ഷിക്കപ്പെട്ടിരുന്നു. ഈ ചിത്രം വലിയ ക്യാൻവാസിൽ അല്ലു അർജുനെ നായകനാക്കി ബേസിൽ പുനരാവിഷ്കരിക്കുകയാണെന്നും ചില റിപ്പോർട്ടുകളുണ്ട്. എന്നാൽ ചിത്രത്തെക്കുറിച്ചുള്ള ഔദ്യോഗിക വിവരങ്ങളൊന്നും ഇതുവരെ പുറത്തുവന്നിട്ടില്ല. പ്രഖ്യാപനം ഉടൻ തന്നെയുണ്ടാകുമെന്ന പ്രതീക്ഷയിലാണ് ആരാധകർ.