അടുത്ത പടത്തിൽ നായകൻ മോഹൻലാലോ? ‘മഞ്ഞുമ്മൽ ബോയ്സ്’ സംവിധായകൻ ചിദംബരം പ്രതികരിക്കുന്നു | സിനിമാ വാർത്ത

മീഡിയ വണ്ണിന് നൽകിയ അഭിമുഖത്തിൽ, മോഹൻലാലുമായി ഒരു സിനിമയെക്കുറിച്ച് ഇതുവരെ യാതൊരു ചർച്ചയും നടത്തിയിട്ടില്ലെന്ന് ചിദംബരം പറഞ്ഞു. തന്റെ പിതാവ് കേട്ട ഏതെങ്കിലും അഭ്യൂഹം സമൂഹമാധ്യമങ്ങളിൽ പങ്കുവെച്ചതാകാം ഇത്തരത്തിലുള്ള വാർത്തകൾക്ക് കാരണമായതെന്നും അദ്ദേഹം വ്യക്തമാക്കി.

മോഹൻലാലുമായി ഒരു ചിത്രം ചെയ്യാനുള്ള ആലോചനയുണ്ടോ എന്ന ചോദ്യത്തിന്, അത്തരമൊരു അവസരം ലഭിക്കുകയാണെങ്കിൽ പ്രേക്ഷകർ ഒരു മോഹൻലാൽ ചിത്രത്തിൽ നിന്ന് പ്രതീക്ഷിക്കുന്ന എല്ലാ ഐക്കോണിക് മുഹൂർത്തങ്ങളും ഉൾക്കൊള്ളുന്ന സമ്പൂർണ വിനോദചിത്രമായിരിക്കും അതെന്നായിരുന്നു ചിദംബരത്തിന്റെ മറുപടി.

മോഹൻലാലിനെ അടുത്തിടെ ദൃശ്യം 3ൽ കണ്ടിരുന്നു. ചിത്രം ജൂൺ 18 മുതൽ സ്ട്രീമിംഗ് ആരംഭിക്കുമെന്ന് പ്രൈം വീഡിയോ ഔദ്യോഗികമായി പ്രഖ്യാപിച്ചിട്ടുണ്ട്. പ്രൈം വീഡിയോയിൽ മാത്രമായി റിലീസ് ചെയ്യുന്ന ചിത്രം ഇന്ത്യയിലെയും ലോകത്തെ 200-ലധികം രാജ്യങ്ങളിലെയും പ്രേക്ഷകർക്ക് ലഭ്യമാകും. മലയാളത്തിനൊപ്പം തെലുങ്ക്, തമിഴ്, കന്നഡ ഭാഷകളിലെ ഡബ്ബ് ചെയ്ത പതിപ്പുകളിലും ചിത്രം പ്രദർശിപ്പിക്കും.

ജൂലൈ മാസത്തിലെ പ്രത്യേക ആഘോഷങ്ങളുടെ ഭാഗമായി പ്രൈം വീഡിയോ ഒരുക്കുന്ന വിനോദ റിലീസ് നിരയുടെയും പ്രൈം ഡേ പ്രത്യേക പരിപാടികളുടെയും ഭാഗമായാണ് ഈ പ്രഖ്യാപനം നടത്തിയത്.

ജീത്തു ജോസഫ് ഒരുക്കിയ കഥയെ ആസ്പദമാക്കി, പെൻ സ്റ്റുഡിയോസും പനോരമ സ്റ്റുഡിയോസും അവതരിപ്പിക്കുന്ന ചിത്രം ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമിക്കുന്നു. ജോർജുകുട്ടിയായി മോഹൻലാലും മറ്റു പ്രധാന കഥാപാത്രങ്ങളായി മീനയും സിദ്ദിഖും പ്രധാന വരുന്നു.

കഥയുടെ പുതിയ അധ്യായത്തിൽ, ദൃശ്യം 2ലെ സംഭവങ്ങൾക്ക് ശേഷം ജോർജുകുട്ടി ശാന്തമായ ജീവിതം നയിക്കുന്നതായി കാണാം. തന്റെ ഭൂതകാല അനുഭവങ്ങളെ ആസ്പദമാക്കി ഒരു സിനിമയും അദ്ദേഹം നിർമ്മിച്ചിരിക്കുന്നു. എന്നാൽ ആ ശാന്തത അധികനാൾ തുടരുന്നില്ല. തിനെ അധികരിച്ചാണ് കഥയുടെ പുരോഗതി.

Summary: Rumours about a potential collaboration between Mohanlal and ‘Manjummel Boys’ director Chidambaram have been circulating on social media for quite some time. However, Chidambaram has now addressed the speculation, clarifying that there are currently no plans for such a project.