Partner Content
oi-Jithin TP
അദാനി എന്റര്പ്രൈസസ് ലിമിറ്റഡിന്റെ ഉപകമ്പനിയും ഇന്ത്യയിലെ ഏറ്റവും വലിയ സ്വകാര്യ വിമാനത്താവള നടത്തിപ്പുകാരില് ഒരാളുമായ അദാനി എയര്പോര്ട്ട് ഹോള്ഡിംഗ്സ് ലിമിറ്റഡ്, പ്രമുഖ ആഭ്യന്തര-ആഗോള നിക്ഷേപകരുടെ കൂട്ടായ്മയില് നിന്ന് 9,825 കോടി രൂപ (ഏകദേശം 1 ബില്യണ് ഡോളര്) പ്രാഥമിക ഇക്വിറ്റി മൂലധനമായി സമാഹരിക്കുന്നതിനുള്ള കരാറുകളില് ഒപ്പുവെച്ചതായി പ്രഖ്യാപിച്ചു.
ആല്ഫ വേവ് ഗ്ലോബല്, പ്രേംജി ഇന്വെസ്റ്റ്, ടെമാസെക്, ബ്ലാക്ക്റോക്ക് നിയന്ത്രിക്കുന്ന ഫണ്ടുകള് എന്നിവരടങ്ങുന്നതാണ് ഈ നിക്ഷേപക കൂട്ടായ്മ. ഈ ഇടപാട് അദാനി എയര്പോര്ട്ട് ഹോള്ഡിംഗ്സ് ലിമിറ്റഡിന് ഏകദേശം 18 ബില്യണ് ഡോളറിന്റെ ‘പ്രീ-മണി ഇക്വിറ്റി മൂല്യം’ (നിക്ഷേപം വരുന്നതിന് മുമ്പുള്ള മൂല്യം) നിശ്ചയിക്കു.
കരാര് പ്രകാരം, അദാനി എയര്പോര്ട്ട് ഹോള്ഡിംഗ്സ് ലിമിറ്റഡും നിക്ഷേപകരും ‘ഷെയര് സബ്സ്ക്രിപ്ഷന് കരാറിലും’ ‘ഷെയര്ഹോള്ഡര്മാരുടെ കരാറിലും’ ഒപ്പുവെച്ചു. നിക്ഷേപകര് മൂന്ന് ഘട്ടങ്ങളിലായാണ് പുതിയ ഇക്വിറ്റി ഓഹരികള് വാങ്ങുന്നത്. അവസാന ഘട്ടം 2027 ജൂലൈയോടെ പൂര്ത്തിയാകുമെന്ന് പ്രതീക്ഷിക്കുന്നു. മൂന്ന് ഘട്ടങ്ങളും പൂര്ത്തിയാകുമ്പോള്, നിക്ഷേപക ഗ്രൂപ്പിന് അദാനി എയര്പോര്ട്ട് ഹോള്ഡിംഗ്സ് ലിമിറ്റഡില് ഏകദേശം 5.54% ഓഹരി പങ്കാളിത്തം ഉണ്ടാകും.
വിപുലീകരണത്തിനും എയര്പോര്ട്ട് സിറ്റി വികസനത്തിനുമുള്ള ഫണ്ട്
സമാഹരിക്കുന്ന തുക മൂന്ന് തന്ത്രപ്രധാനമായ ലക്ഷ്യങ്ങള്ക്കായി വിനിയോഗിക്കും. അദാനി എയര്പോര്ട്ട് ഹോള്ഡിംഗ്സ് ലിമിറ്റഡിന്റെ കീഴിലുള്ള വിമാനത്താവളങ്ങളുടെ അടിസ്ഥാന സൗകര്യങ്ങള് വിപുലീകരിക്കുകയും ആധുനികവല്ക്കരിക്കുകയും ചെയ്യുക, സംയോജിത ‘അദാനി എയര്പോര്ട്ട് സിറ്റി’ ഇക്കോസിസ്റ്റങ്ങളുടെ വികസനം വേഗത്തിലാക്കുക, ഗ്രൗണ്ട് ഹാന്ഡ്ലിംഗ് ഉള്പ്പെടെയുള്ള വിമാനത്താവളേതര, യാത്രാ-അധിഷ്ഠിത സേവന ബിസിനസുകള് വിപുലീകരിക്കുക എന്നിവയാണവ.
പ്രതിവര്ഷം ഏകദേശം 20 കോടി (200 ദശലക്ഷം) യാത്രക്കാര്ക്ക് സേവനം നല്കാനുള്ള ശേഷി വര്ദ്ധിപ്പിക്കാന് ഈ നിക്ഷേപം സഹായിക്കുമെന്ന് കമ്പനി അറിയിച്ചു. അതേസമയം, അദാനി എയര്പോര്ട്ട് സിറ്റി പദ്ധതിയുടെ ആദ്യ ഘട്ടത്തില് ഏകദേശം 2.2 കോടി (22 ദശലക്ഷം) ചതുരശ്ര അടി വിസ്തീര്ണ്ണത്തില് വിവിധ ആവശ്യങ്ങള്ക്കുള്ള വികസന പ്രവര്ത്തനങ്ങള് നടക്കും.
നിരന്തരം മുന്നോട്ട്
ഒരു ധനകാര്യേതര കോര്പ്പറേറ്റ് സ്ഥാപനം ഇന്ത്യയില് നടത്തിയ ഏറ്റവും വലിയ ‘ക്വാളിഫൈഡ് ഇന്സ്റ്റിറ്റിയൂഷണല് പ്ലേസ്മെന്റ്’ ആയ, 15,000 കോടി രൂപയുടെ എഇഎല് ക്യുഐപിക്ക് (2026 ജൂലൈയില് പൂര്ത്തിയായത്) തൊട്ടുപിന്നാലെയാണ് ഈ ഇക്വിറ്റി സമാഹരണം നടക്കുന്നത്. ദീര്ഘകാലാടിസ്ഥാനത്തിലുള്ള ആഭ്യന്തര-ആഗോള സ്ഥാപനപരമായ മൂലധനം വലിയ തോതില് സമാഹരിക്കാനുള്ള അദാനി ഗ്രൂപ്പിന്റെ ശേഷിയെ ഈ രണ്ട് ഇടപാടുകളും എടുത്തുകാണിക്കുന്നു.
കമ്പനി പറയുന്നത്
‘അദാനി എയര്പോര്ട്ട്സ് പ്ലാറ്റ്ഫോം വികസിപ്പിക്കുന്നതില് ഈ പങ്കാളിത്തം ഒരു സുപ്രധാന നാഴികക്കല്ലാണ്. ഈ യാത്രയില് ഇത്രയും പ്രശസ്തരും ദീര്ഘകാലാടിസ്ഥാനത്തില് നിക്ഷേപം നടത്തുന്നവരുമായ പങ്കാളികളെ കൂടെ ലഭിച്ചത് വലിയൊരു അംഗീകാരമായി കാണുന്നു,’ എന്ന് അദാനി എയര്പോര്ട്ട് ഹോള്ഡിംഗ്സ് ലിമിറ്റഡിന്റെ നോണ്-എക്സിക്യൂട്ടീവ് ഡയറക്ടറായ ജീത് അദാനി പറഞ്ഞു.
ഇന്ത്യയുടെ ജിഡിപി വളര്ച്ചയ്ക്ക് ഏറ്റവും വലിയ ഉത്തേജനം നല്കുന്ന മേഖലകളിലൊന്നാണ് വ്യോമയാന മേഖലയെന്നും, വിമാന ഗതാഗത ശൃംഖലയിലെ ഓരോ വിപുലീകരണവും വ്യാപാരം, ടൂറിസം, തൊഴില്, പ്രാദേശിക വികസനം എന്നിവയ്ക്ക് കരുത്തേകുന്നുണ്ടെന്നും അദ്ദേഹം കൂട്ടിച്ചേര്ത്തു. ഇന്ത്യയിലെ ഉപഭോഗ വളര്ച്ചയും നഗര-അനുബന്ധ വികസന പ്രവര്ത്തനങ്ങളിലെ പുരോഗതിയും പ്രധാന ഘടകങ്ങളായി ചൂണ്ടിക്കാട്ടിക്കൊണ്ട്, ‘ലോകത്തിലെ ഏറ്റവും വലിയ വിമാനത്താവള പ്ലാറ്റ്ഫോം’ എന്ന നിലയിലേക്ക് വളരാനുള്ള ശേഷി കമ്പനി തുടര്ന്നും വികസിപ്പിക്കുമെന്ന് അദാനി എയര്പോര്ട്ട് ഹോള്ഡിംഗ്സ് ലിമിറ്റഡ് സിഇഒ അരുണ് ബന്സാല് പറഞ്ഞു.
അദാനി എയര്പോര്ട്ട് ഹോള്ഡിംഗ്സ് ലിമിറ്റഡ്
ഇന്ത്യയിലുടനീളമുള്ള എട്ട് വിമാനത്താവളങ്ങളുടെ നടത്തിപ്പ് ചുമതല അദാനി എയര്പോര്ട്ട് ഹോള്ഡിംഗ്സ് ലിമിറ്റഡിനാണ്. എയറോനോട്ടിക്കല് പ്രവര്ത്തനങ്ങള്, എയറോനോട്ടിക്കല് ഇതര സേവനങ്ങള്, നഗര-അനുബന്ധ വികസനം എന്നിവയുള്പ്പെടെ രാജ്യത്തെ ആകെ യാത്രാ ഗതാഗതത്തിന്റെ 23 ശതമാനത്തിലധികവും കൈകാര്യം ചെയ്യുന്നത് ഇവരാണ്.
സിറില് അമര്ചന്ദ് മംഗള്ദാസ്, എഇസഡ്ബി & പാര്ട്ണേഴ്സ്, ജെഎസ്എ അഡ്വക്കേറ്റ്സ് ആന്ഡ് സോളിസിറ്റേഴ്സ്, ടിടി&എ അഡ്വക്കേറ്റ്സ് ആന്ഡ് സോളിസിറ്റേഴ്സ്, ജെഫറീസ് ഇന്ത്യ പ്രൈവറ്റ് ലിമിറ്റഡ്, എസ്ബിഐ ക്യാപിറ്റല് മാര്ക്കറ്റ്സ് ലിമിറ്റഡ്, ഏണസ്റ്റ് & യംഗ് എല്എല്പി എന്നിവരുള്പ്പെടെയുള്ള ഉപദേഷ്ടാക്കളുടെ പിന്തുണയോടെയാണ് ഈ ഇടപാട് നടന്നത്. നിയന്ത്രണ അതോറിറ്റികളുടെ അനുമതികള് ഉള്പ്പെടെയുള്ള പതിവ് നടപടിക്രമങ്ങള്ക്കും വ്യവസ്ഥകള്ക്കും ഇത് വിധേയമാണ്.