Technology
oi-Nidhin Illikkambath
ഏതൊരു ഫോൺ ഉണ്ടെന്ന് പറഞ്ഞാലും ആപ്പിളിന്റെ ഐഫോൺ മോഡലുകൾ എന്ന് കേട്ടാൽ ആരുടേയും മനസ് ഒന്നിളകും. കാരണം അത്ര കണ്ട് ഈ മോഡലുകൾക്ക് ആരാധകരുണ്ട്. നിലവിൽ ലോകത്ത് തന്നെ ഏറ്റവും കൂടുതൽ ആവശ്യക്കാർ ഉള്ളത് ഐഫോൺ മോഡലുകൾക്കാണ് എന്നതാണ് ഇതിന്റെ പ്രധാന കാര്യം. പറഞ്ഞുവന്നത് ആപ്പിളിന്റെ പ്രത്യേകതകളെ കുറിച്ചാണ്. ഇപ്പോഴിതാ ഈ വിഭാഗത്തിലെ മികച്ച ഓഫർ ലഭ്യമാണ്.
ആപ്പിളിന്റെ ഐഫോൺ 17 പ്രോ നിലവിൽ ഫ്ലിപ്കാർട്ടിൽ 93,900 രൂപ എന്ന ഫലപ്രദമായ വിലയിൽ ലഭ്യമാണ്. 256 ജിബി മോഡലിന്റെ ലിസ്റ്റ് ചെയ്ത വിൽപ്പന വിലയേക്കാൾ 39,000 രൂപ വരെ കുറവിലാണ് ഈ ഓഫർ. പഴയ ഫോൺ മാറ്റി നൽകുന്നതിനുള്ള ആനുകൂല്യവും ബാങ്ക് ഇളവും ഒരുമിച്ച് പ്രയോജനപ്പെടുത്തിയാണ് വില ഇത്രയും കുറയുന്നത്.
256 ജിബി ഐഫോൺ 17 പ്രോയ്ക്ക് ഫ്ലിപ്കാർട്ടിൽ നിലവിൽ 1,32,900 രൂപയാണ് വില. നേരത്തെ 1,34,900 രൂപയായിരുന്നു ലിസ്റ്റ് ചെയ്ത വില. ഇതിന് പുറമെ വാങ്ങുന്നയാൾക്ക് ലഭിക്കുന്ന 2,000 രൂപയുടെ അധിക ഇളവും ഉൽപ്പന്ന പേജിൽ കാണിക്കുന്നുണ്ട്. ഇപ്പോഴിതാ ഉത്സവ സീസൺ കണക്കിലെടുമ്പോൾ ഇത് നല്ലൊരു ഓഫർ തന്നെയാണ്.
ഐഫോൺ 17 പ്രോ ഓഫറുകൾ
ശരിക്കും പറഞ്ഞാൽ നേരിട്ടുള്ള ഡിസ്കൗണ്ടിൽ ഉപരി ഏറ്റവും വലിയ ഇളവ് പഴയ ഫോൺ മാറ്റി നൽകുന്നതിലൂടെയാണ് ലഭിക്കുന്നത്. ആപ്പിളിന്റെ ഐഫോൺ 15 മാറ്റി നൽകുമ്പോൾ പരമാവധി 30,000 രൂപ വരെ വില ലഭിക്കുമെന്നാണ് ഫ്ലിപ്കാർട്ട് കാണിക്കുന്നത്. ഇത് പ്രയോജനപ്പെടുത്തിയാൽ ഐഫോൺ 17 പ്രോയുടെ ഫലപ്രദമായ വില 1,02,900 രൂപയായി കുറയും.
ഇതിന് ശേഷം ഫ്ലിപ്കാർട്ട് ആക്സിസ് ബാങ്ക് ക്രെഡിറ്റ് കാർഡ് ഉപയോഗിച്ചുള്ള 9,000 രൂപയുടെ അധിക ഇളവും ലഭിക്കും. രണ്ട് ആനുകൂല്യങ്ങളും ഒരുമിച്ച് പ്രയോജനപ്പെടുത്തുമ്പോഴാണ് ഉൽപ്പന്ന പേജിൽ ഫലപ്രദമായ വില 93,900 രൂപയായി കാണിക്കുന്നത്. എന്നാൽ 93,900 രൂപ എന്ന വില എല്ലാ ഉപഭോക്താക്കൾക്കും ലഭിക്കണമെന്നില്ല.
പഴയ ഫോൺ മാറ്റി നൽകുമ്പോൾ ലഭിക്കുന്ന തുക അതിന്റെ മോഡൽ, പ്രവർത്തനക്ഷമത, ഫോണിന്റെ മറ്റ് അവസ്ഥ, വിവിധ യോഗ്യതാ മാനദണ്ഡങ്ങൾ എന്നിവ അനുസരിച്ച് മാറാം. കൂടാതെ 9,000 രൂപയുടെ ബാങ്ക് ഇളവ് ലഭിക്കുന്നതിനും നിശ്ചിത കാർഡ് ഓഫറിന്റെ വ്യവസ്ഥകൾ പാലിക്കേണ്ടതുണ്ട്. ഇതൊക്കെയും പ്രയോജനപ്പെടുത്താൻ സാധിച്ചാൽ ഫോൺ നിങ്ങൾക്ക് കുറഞ്ഞ വിലയിൽ വാങ്ങാം.
ഐഫോൺ 17 പ്രോയുടെ സവിശേഷതകൾ
ഐഫോൺ 17 പ്രോയിൽ 6.3 ഇഞ്ച് ഒഎൽഇഡി ഡിസ്പ്ലേയാണ് കമ്പനി നൽകിയിരിക്കുന്നത്. ആറ് കോർ പ്രോസസറുള്ള ആപ്പിളിന്റെ എ19 ചിപ്പാണ് ഫോണിന് കരുത്തേകുന്നത്. 256 ജിബി മോഡലിൽ പിന്നിൽ മൂന്ന് ക്യാമറകളാണ് നൽകിയിരിക്കുന്നത്. മൂന്ന് ക്യാമറകളിലും 48 മെഗാപിക്സൽ സെൻസറുകളാണ് ഉപയോഗിച്ചിരിക്കുന്നത്. മുൻ ക്യാമറ 18 മെഗാപിക്സലിന്റേതാണ്.
3988 എംഎഎച്ച് ശേഷിയുള്ള ബാറ്ററിയാണ് ഫോണിലുള്ളത്. ഒരു വർഷത്തെ പരിമിത വാറന്റിയും ലഭിക്കും. ഫ്ലിപ്കാർട്ടിൽ നിലവിൽ 4580 ഉപഭോക്തൃ റേറ്റിങ്ങുകളിൽ നിന്ന് 4.7 എന്ന മികച്ച റേറ്റിങ്ങും ഫോണിന് ലഭിച്ചിട്ടുണ്ട്. അതുകൊണ്ട് തന്നെ ധൈര്യമായി ഫോൺ വാങ്ങാം. ഐഫോൺ 18 വരുമ്പോൾ പഴയ മോഡലുകളിൽ പലതിനും വില കൂടുമെന്ന റിപ്പോർട്ടുകൾ കൂടി വന്ന സ്ഥിതിക്ക് ഈ ഓഫർ പ്രയോജനപ്പെടുത്തുന്നത് നല്ലതാവും.