Kerala
oi-Jithin TP
സംസ്ഥാനത്ത് കനത്ത മഴ തുടരുന്ന പശ്ചാത്തലത്തില് കേരളത്തിലെ രണ്ട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചു. മലപ്പുറം, പത്തനംതിട്ട ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചിരിക്കുന്നത്. ശക്തമായ മഴ തുടരുന്ന സാഹചര്യത്തില് ജില്ലയിലെ പ്രാഫഷണല് കോളെജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ (2026 ഓഗസ്റ്റ് 4, ചൊവ്വ) അവധി ആയിരിക്കും എന്ന് മലപ്പുറം കളക്ടര് അറിയിച്ചു.
മദ്രസകള്, ട്യൂഷന് സെന്ററുകള്, അങ്കണവാടികള് എന്നിവയ്ക്കും അവധി ബാധകമാണ് എന്നും എന്നാല് മുന്കൂട്ടി നിശ്ചയിച്ച യൂണിവേഴ്സിറ്റി, പി എസ് എസി പരീക്ഷകള്ക്ക് മാറ്റമുണ്ടായിരിക്കില്ല എന്നും കളക്ടര് വ്യക്തമാക്കി. അതേസമയം കനത്ത മഴയെ തുടര്ന്നും പ്രളയ ബാധിത ക്യാംപുകള് സ്കൂളുകളില് പ്രവര്ത്തിക്കുന്നതിനാലും ജില്ലയിലെ പ്രൊഫഷല് കോളേജുകള് ഉള്പ്പടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കും എന്ന് പത്തനംതിട്ട ജില്ലാ കളക്ടറും അറിയിച്ചു.
