ഒരു പകുതിയിൽ കരീന കപൂർ ഖാനും മറുപകുതിയിൽ പൃഥ്വിരാജ് സുകുമാരനും; മേഘ്‌ന ഗുൽസാർ ചിത്രം ‘ദായ്റ’ പുതിയ പോസ്റ്റർ | സിനിമാ വാർത്ത

യഥാർത്ഥ സംഭവങ്ങളിൽ നിന്ന് പ്രചോദനം ഉൾക്കൊണ്ട ചിത്രമാണ് ദായ്റ. യാഷ് കെസ്വാനി, സീമ അഗർവാൾ, മേഘ്‌ന ഗുൽസാർ എന്നിവർ ചേർന്നാണ് തിരക്കഥ ഒരുക്കിയിരിക്കുന്നത്. ജംഗിൾ പിക്‌ചേഴ്സും പെൻ സ്റ്റുഡിയോസും ആദ്യമായി കൈകോർക്കുന്ന ചിത്രമാണിത്; വിതരണം പെൻ മറുധർ. ‘തൽവാർ’, ‘റാസി’ എന്നീ നിരൂപക-വാണിജ്യ വിജയങ്ങൾക്ക് ശേഷം മേഘ്‌ന ഗുൽസാർ ജംഗിൾ പിക്‌ചേഴ്സിനൊപ്പം ഒരുക്കുന്ന മൂന്നാമത്തെ ചിത്രം കൂടിയാണ് ദായ്റ.

അന്വേഷണത്തിന്റെ അതിരുകൾ വേർതിരിക്കുന്ന പൊലീസ് ബാരിക്കേഡിന്റെ ഇരുവശങ്ങളിലായി നിൽക്കുന്ന രണ്ട് പ്രധാന കഥാപാത്രങ്ങളെയാണ് പുതിയ പോസ്റ്ററിൽ കാണുന്നത്. കുറ്റകൃത്യവും അതിന്റെ അനന്തരഫലങ്ങളും തമ്മിലുള്ള സംഘർഷമാണ് ഇത് ദൃശ്യവത്കരിക്കുന്നത്. നിയമം, നീതി, ധാർമ്മികത, ഉത്തരവാദിത്വം എന്നിവ തമ്മിലുള്ള അതിരുകൾ ചോദ്യം ചെയ്യപ്പെടുന്ന ഒരു ലോകത്തിലേക്കാണ് ചിത്രം പ്രേക്ഷകരെ കൊണ്ടുപോകുന്നത്.

തീവ്രമായ കഥപറച്ചിലിലൂടെ പ്രേക്ഷകരെ അവസാനം വരെ ഉദ്വേഗത്തിൽ നിർത്തുന്നതിനൊപ്പം, ഒട്ടേറെ ചോദ്യങ്ങളും ചർച്ചകളും ഉയർത്തുന്ന ചിത്രമായിരിക്കും ദായ്റ. പി.ആർ.ഒ.- സതീഷ് എരിയാളത്ത്.

Summary: National Award-winning filmmaker Meghna Gulzar has unveiled a new poster for her upcoming crime thriller Daayra. The film, starring Kareena Kapoor Khan and Prithviraj Sukumaran in the lead roles, is scheduled for a theatrical release on September 18, 2026. Daayra is inspired by real-life incidents. The screenplay has been written by Yash Keswani, Sima Agarwal, and Meghna Gulzar