Kerala
oi-Ashif N
സിജെപി സമരക്കാര്ക്കെതിരെ മോശം പരാമര്ശം നടത്തിയ ആര്എസ്എസ് നേതാവ് ടിജി മോഹന്ദാസിനെതിരെ കേസെടുക്കണം എന്ന് പ്രതിപക്ഷ നേതാവ് പിണറായി വിജയന്. വിയോജിപ്പുകളെ ഉന്മൂലനം ചെയ്യുക എന്ന സംഘപരിവാറിന്റെ ഉള്ളിലിരിപ്പാണ് ഇത്തരം പ്രസ്താവനയിലൂടെ പുറത്തുവന്നത് എന്നും പിണറായി വിജയന് അഭിപ്രായപ്പെട്ടു.
സമരക്കാരെ വെടിവെക്കണം, മൃതദേഹങ്ങള് ആശുപത്രിയിലേക്ക് മാറ്റണം തുടങ്ങിയ വിവാദ പരാമര്ശമാണ് ടിജി മോഹന്ദാസ് യുട്യൂബ് ചാനലില് നടത്തിയത്. സമരം ചെയ്ത പെണ്കുട്ടികള്ക്കെതിരെ അശ്ലീല പദപ്രയോഗങ്ങളും ടിജി മോഹന്ദാസിന്റെ ഭാഗത്തുനിന്നുണ്ടായി. ഇതിനെതിരെ വലിയ പ്രതിഷേധമാണ് ഉയര്ന്നത്. വിവിധ സംഘടനകള് പോലീസില് പരാതി നല്കി. അന്വേഷണത്തിന് ആഭ്യന്തര മന്ത്രി രമേശ് ചെന്നിത്തല നിര്ദേശം നല്കിയിട്ടുണ്ട്.
പിണറായി വിജയന്റെ ഫേസ്ബുക്ക് കുറിപ്പ് വായിക്കാം: ”നീറ്റ് ചോദ്യപേപ്പര് ചോര്ച്ചയില് സമരം ചെയ്ത വിദ്യാര്ത്ഥികളെ വെടിവച്ചു കൊല്ലണമെന്ന് പരസ്യമായി ആഹ്വാനം ചെയ്ത തെലങ്കാനയിലെ ബിജെപി എംപിയുടെയും കേരളത്തിലെ തീവ്രവലതുപക്ഷ പ്രഭാഷകന് ടി.ജി. മോഹന്ദാസിന്റെയും നടപടി, സമരങ്ങള് അവസാനിച്ചിട്ടുപോലും സമൂഹത്തില് വിദ്വേഷം പടര്ത്താന് സംഘപരിവാര് ശക്തികള് തുടരുന്ന ആസൂത്രിതമായ ശ്രമങ്ങളെയാണ് തുറന്നുകാട്ടുന്നത്.
വിയോജിപ്പുകളെ ഉന്മൂലനം ചെയ്യുക എന്ന സംഘപരിവാറിന്റെ ഉള്ളിലിരിപ്പാണ് ഇത്തരം ക്രൂരമായ പ്രസ്താവനകളിലൂടെ പുറത്തുവരുന്നത്. ഡല്ഹിയിലെ വിദ്യാര്ത്ഥി സമരത്തിന് ഐക്യദാര്ഢ്യം പ്രഖ്യാപിച്ചുകൊണ്ട് കേരളത്തില് സമാധാനപരമായി പ്രതിഷേധിച്ച ജനാധിപത്യ വിശ്വാസികള്ക്കെതിരെ കേസെടുക്കാന് തിടുക്കം കാണിച്ച കേരള പോലീസ്, സമരക്കാരെ വെടിവെച്ചു കൊല്ലാന് ആഹ്വാനം ചെയ്ത ടി.ജി. മോഹന്ദാസിനെതിരെ ഇതുവരെ ഒരു കേസും എടുക്കാന് തയ്യാറായിട്ടില്ല. സമാധാനപരമായി സമരം ചെയ്യുന്നവര്ക്കെതിരെ ലാത്തിയെടുക്കുന്ന പോലീസ്, പരസ്യമായി കൊലവിളി നടത്തുന്ന സംഘപരിവാര് നേതാക്കള്ക്ക് മുന്നില് മുട്ടുമടക്കുന്നത് കേരളത്തിന് അപമാനമാണ്.
ആര്എസ്എസിനെ പ്രീണിപ്പിക്കാന് വേണ്ടി പോലീസ് സേനയെയും നിയമവ്യവസ്ഥയെയും നോക്കുകുത്തിയാക്കുന്ന സംസ്ഥാന സര്ക്കാര് നടപടി അംഗീകരിക്കാന് കഴിയില്ല. ജനാധിപത്യപരമായി പ്രതിഷേധിച്ചവര്ക്കെതിരെ എടുത്ത കേസുകള് ഉടന് പിന്വലിക്കണം. അതോടൊപ്പം, കലാപാഹ്വാനം നടത്തിയതിന് അടിയന്തരമായി കേസെടുത്ത് നിയമനടപടി സ്വീകരിക്കാനും യുഡിഎഫ് സര്ക്കാര് തയ്യാറാകണം.”