Astrology
oi-Jithin TP
ഹൈന്ദവ വിശ്വാസത്തില് ജ്യോതിഷത്തിന് വലിയ പ്രാധാന്യമുണ്ട്. ഏതൊരു വ്യക്തിയുടേയും ജനനം തൊട്ട് മരണം വരെയുള്ള ജീവിതവും ജീവിതത്തിലെ പ്രധാനപ്പെട്ട സംഭവങ്ങളും ജ്യോതിഷവുമായി ബന്ധപ്പെട്ടിരിക്കുന്നു. വ്യക്തികളുടെ ജനന സമയം, ഗ്രഹനില, രാശിക്കൂറ്, ജന്മനക്ഷത്രം എന്നിവ അടിസ്ഥാനമാക്കി ജാതകം രചിക്കാറുണ്ട്. ഈ ജാതകം ജ്യോതിഷത്തിലെ ഒരു പ്രധാനപ്പെട്ട ശാഖയാണ്.
അതിനാല് തന്നെ ഗ്രഹങ്ങള്, രാശികള്, നക്ഷത്രങ്ങള് എന്നിവയ്ക്ക് ജ്യോതിഷത്തില് വലിയ സ്ഥാനമുണ്ട്. എല്ലാ ഗ്രഹങ്ങളും നിശ്ചിത ഇടവേളകളില് രാശി മാറ്റം നടത്തുന്നു എന്നാണ് ജ്യോതിഷത്തില് വിവക്ഷിച്ചിരിക്കുന്നത്. സംക്രമണം എന്നാണ് ഈ പ്രതിഭാസത്തെ വിശേഷിപ്പിക്കുന്നത്. ഗ്രഹ സംക്രമണം എല്ലാ വ്യക്തികളേയും ബാധിക്കും. എന്നാല് അത് വ്യത്യസ്ത തരത്തിലായിരിക്കും എന്ന് മാത്രം.
ചില രാശിക്കാര്ക്ക് ഗ്രഹ സംക്രമണം ഏറെ ഗുണം ചെയ്യും. അതേസമയം മറ്റ് ചില രാശിക്കാര്ക്ക് ഇത് വിപരീത ഫലമായിരിക്കും സമ്മാനിക്കുന്നത്. ജ്യോതിഷ പ്രകാരം ഒമ്പത് ഗ്രഹങ്ങളാണ് ഉള്ളത്. രാശികള് 12 എണ്ണവും നക്ഷത്രങ്ങള് 27 എണ്ണവും ഉണ്ട്. സൂര്യന്, ചന്ദ്രന്, ചൊവ്വ, ബുധന്, വ്യാഴം, ശുക്രന്, ശനി, രാഹു, കേതു എന്നിവയാണ് നവഗ്രഹങ്ങള്. ഇവയില് ആദ്യത്തെ ഏഴ് ഗ്രഹങ്ങള് ഭൗതികമായി നിലവിലുള്ളവയാണ്.
രാഹുവും കേതുവും ജ്യോതിഷപരമായ സങ്കല്പ്പങ്ങളാണ്. ചിങ്ങം, കന്നി, തുലാം, വൃശ്ചികം, ധനു, മകരം, കുംഭം, മീനം, മേടം, ഇടവം, മിഥുനം, കര്ക്കിടകം എന്നിങ്ങനെയാണ് 12 രാശികള്. അശ്വതി, ഭരണി, കാര്ത്തിക, രോഹിണി, മകയിരം, തിരുവാതിര, പുണര്തം, പൂയം, ആയില്യം, മകം, പൂരം, ഉത്രം, അത്തം, ചിത്തിര, ചോതി, വിശാഖം, അനിഴം, തൃക്കേട്ട, മൂലം, പൂരാടം, ഉത്രാടം, തിരുവോണം, അവിട്ടം, ചതയം, പൂരൂരുട്ടാതി, ഉത്രട്ടാതി, രേവതി എന്നിവയാണ് 27 നക്ഷത്രങ്ങള്.
ജ്യോതിഷ പ്രകാരം ഏറെ സവിശേഷതകളുള്ള ഗ്രഹങ്ങളാണ് വ്യാഴവും സൂര്യനും. ഗ്രഹങ്ങളുടെ രാജാവ് എന്നാണ് സൂര്യനെ വിശേഷിപ്പിക്കുന്നത്. എല്ലാ മാസവും രാശി മാറുന്ന ഗ്രഹം കൂടിയാണ് സൂര്യന്. വ്യാഴമാകട്ടെ ഗ്രഹങ്ങളുടെ ഗുരുസ്ഥാനീയനാണ്. ഒരു രാശിയില് ഒരു വര്ഷത്തോളം വ്യാഴം തങ്ങാറുണ്ട്. അതിനാല് തന്നെ ഒരു രാശിചക്രം പൂര്ത്തിയാക്കാന് വ്യാഴത്തിന് ഒരു വര്ഷത്തെ സമയം വേണ്ടി വരാറുണ്ട്.
ഈ വരുന്ന ബുധനാഴ്ച വൈകുന്നേരം 5:45 ന് സൂര്യനും വ്യാഴവും നേര്രേഖയില് വരികയാണ്. ഇതോടെ ഗുരു ആദിത്യയോഗം രൂപപ്പെടും. ഇത് എല്ലാ രാശിക്കാരിലും സ്വാധീനം ചെലുത്തും. എന്നാല് ചില രാശിക്കാര്ക്ക് ഇതുവഴി വലിയ സൗഭാഗ്യങ്ങള് വന്ന് ചേരും. ഏതൊക്കെയാണ് ആ രാശിക്കാര് എന്ന് നോക്കാം..
കര്ക്കടകം
കര്ക്കടകം രാശിക്കാര്ക്ക് സൂര്യന്റേയും വ്യാഴത്തിന്റേയും സമാഗമം വഴി രൂപപ്പെടുന്ന ഗുരു ആദിത്യ യോഗം അനുകൂലമായിരിക്കും. ആത്മവിശ്വാസത്തോടെ ഏറ്റെടുക്കുന്ന ജോലികള് വേഗത്തില് പൂര്ത്തിയാക്കാന് സാധിക്കും. സ്വര്ണം പോലെ വില പിടിപ്പുള്ള സമ്മാനങ്ങള് നിങ്ങളെ തേടിയെത്തും. ഇത് നിങ്ങളുടെ സമ്പാദ്യം വര്ധിപ്പിക്കും. കലാ കായിക രംഗത്ത് പ്രവര്ത്തിക്കുന്നവര്ക്ക് അനുകൂലമായ സമയമാണ് എന്ന് കാണുന്നു.
കന്നി
സൂര്യന്റേയും വ്യാഴത്തിന്റേയും സമാഗമം വഴി രൂപപ്പെടുന്ന ഗുരു ആദിത്യ യോഗം കന്നി രാശിക്കാര്ക്ക് ഗുണം ചെയ്യും. പഴയ വാഹനം മാറ്റി പുതിയ വാഹനം സ്വന്തമാക്കാന് സാധിക്കും. റിയല് എസ്റ്റേറ്റ് രംഗത്ത് പ്രവര്ത്തിക്കുന്നരെ തേടി വലിയ ലാഭമെത്തും. സമൂഹത്തില് നിന്ന് ആദരവും ബഹുമാനവും ലഭിക്കും. ജോലി സ്ഥലത്തെ അന്തരീക്ഷം മെച്ചപ്പെടും. ഇത് നിങ്ങളുടെ സമ്മര്ദ്ദം ഇല്ലാതാക്കും.