Last Updated:
മലയാളത്തിലെ വമ്പൻ താരനിരയും മികച്ച സാങ്കേതിക പ്രവർത്തകരും അണിനിരക്കുന്ന ചിത്രം ഒരു പാൻ-ഇന്ത്യൻ ലെവൽ എന്റർടൈനർ ആയിരിക്കും എന്ന് അണിയറപ്രവർത്തകർ
‘പൊറിഞ്ചു മറിയം ജോസ്’, ‘ആന്റണി’ എന്നീ വമ്പൻ വിജയങ്ങൾക്ക് ശേഷം സംവിധായകൻ ജോഷിയും (Joshiy) ജോജു ജോർജും (Joju George) വീണ്ടും ഒന്നിക്കുന്ന ബിഗ് ബജറ്റ് ചിത്രം ‘കനാൻദേശം’ (Kanaan Desham) പ്രഖ്യാപിച്ചു. ‘ഇത് നിന്റെ ഭൂമി നിന്റെ ആകാശം’ എന്ന പവർഫുൾ ടാഗ്ലൈനോടെയാണ് ചിത്രം എത്തുന്നത്. ക്ലാസ്സും മാസ്സും ഒരുപോലെ വിളക്കിച്ചേർക്കുന്ന ജോഷി മാജിക് ‘കനാൻദേശ’ത്തിലൂടെ വീണ്ടും ആവർത്തിക്കും എന്ന് പ്രതീക്ഷ നൽകുന്നു.
‘അപ്പു പാത്തു പപ്പു’ പ്രൊഡക്ഷൻസിന്റെ ബാനറിൽ സിജോ വടക്കനും വർക്കി ജോർജും ചേർന്ന് നിർമ്മിക്കുന്ന ഈ ബിഗ് ബഡ്ജറ്റ് ചിത്രം അഞ്ച് ഭാഷകളിലായാണ് തീയറ്ററുകളിൽ എത്തുന്നത്. മലയാളത്തിലെ വമ്പൻ താരനിരയും മികച്ച സാങ്കേതിക പ്രവർത്തകരും അണിനിരക്കുന്ന ചിത്രം ഒരു പാൻ-ഇന്ത്യൻ ലെവൽ എന്റർടൈനർ ആയിരിക്കും എന്ന് അണിയറപ്രവർത്തകർ വ്യക്തമാക്കുന്നു.
കോക്ടെയിൽ, ബ്യൂട്ടിഫുൾ, ട്രിവാൻഡ്രം ലോഡ്ജ്, തുടങ്ങിയ ചിത്രങ്ങളിലൂടെ മലയാള സിനിമയുടെ ആഖ്യാന ശൈലി തന്നെ തിരുത്തിക്കുറിച്ച അനൂപ് മേനോനാണ് ചിത്രത്തിന്റെ തിരക്കഥ രചിക്കുന്നത്. ഷൂട്ടിംഗ് ഓഗസ്റ്റിൽ ആരംഭിക്കും.
Summary: After the blockbuster successes of Porinju Mariam Jose and Antony, director Joshiy and actor Joju George are reuniting for the big-budget film Kanaan Desham. The film has been announced with the powerful tagline, “This is your land, your sky.” The announcement raises expectations that Joshiy will once again deliver his signature blend of class and mass entertainment through Kanaan Desham
Thiruvananthapuram,Kerala
