ജാൻവിയുടെ ചില ശരീരഭാഗങ്ങളിലേക്ക് ക്യാമറ സൂം ചെയ്തു; ‘പെദ്ധി’ സെറ്റിൽ കയർത്ത് രാം ചരൺ | സിനിമാ വാർത്ത

ജാൻവി അവതരിപ്പിക്കുന്ന അച്ചിയമ്മ എന്ന കഥാപാത്രത്തെ അതിരുകടന്ന ലൈംഗികവൽക്കരണത്തോടെ ചിത്രീകരിച്ചുവെന്ന വിമർശനവും പ്രതിഷേധവും ഒരു വിഭാഗം പ്രേക്ഷകരിൽ നിന്ന് ശക്തമായി ഉയർന്നിരുന്നു. ഈ വിവാദങ്ങൾ ചർച്ചയാകുന്നതിനിടെയാണ് ഒരു ആരാധക പേജ് ചിത്രീകരണകാലത്തെന്ന പേരിൽ ജാൻവിയും രാം ചരണും തമ്മിലുള്ളതായി പറയപ്പെടുന്ന ചാറ്റുകൾ പുറത്തുവിട്ടത്.

ന്യൂസ് 18 ന് സ്വതന്ത്രമായി സ്ഥിരീകരിക്കാൻ കഴിയാത്ത സ്‌ക്രീൻഷോട്ടുകളിൽ, ചിത്രീകരിച്ച ചില ഷോട്ടുകളിൽ ജാൻവി അസ്വസ്ഥതയെന്ന് ചർച്ച ചെയ്യുന്ന ചാറ്റുകളാണുള്ളത്. സെറ്റിൽ രാം ചരൺ അസ്വസ്ഥനായി എന്നും ഇതിൽകാണാം.

തന്റെ അഭിപ്രായത്തെ പിന്തുണച്ചതിന് രാം ചരണിനോട് ജാൻവി നന്ദി രേഖപ്പെടുത്തിയതായും ഈ സന്ദേശങ്ങളിൽ നിന്ന് സൂചന ലഭിച്ചു. “രാം സാർ വളരെ നല്ല രീതിയിലാണ് പ്രതികരിച്ചത്. അദ്ദേഹം അതിൽ ശക്തമായ എതിർപ്പ് പ്രകടിപ്പിക്കുകയും, ‘ഇനി ഒരിക്കലും അവളെ അത്തരത്തിലുള്ള ആംഗിളുകളിൽ ചിത്രീകരിക്കരുത്’ എന്ന് വ്യക്തമാക്കുകയും ചെയ്തു. അതിനുശേഷം അദ്ദേഹം അസ്വസ്ഥനായി,” എന്നാണ് മറ്റൊരു സന്ദേശത്തിൽ പറയുന്നതായി റിപ്പോർട്ടുകൾ സൂചിപ്പിക്കുന്നത്.

മറ്റൊരു ആരാധകൻ രാം ചരണിന്റെ മുൻചിത്രമായ ‘ഗെയിം ചേഞ്ചർ’ലെ കിയാര അദ്വാനിയുടെ കഥാപാത്രവുമായി ബന്ധപ്പെട്ട വിമർശനങ്ങളുമായി ഈ സാഹചര്യത്തെ താരതമ്യം ചെയ്തപ്പോൾ, ജാൻവി പ്രതികരിച്ചതായി പറയപ്പെടുന്നു. “അല്ല, ഇവിടെ ചിത്രീകരിച്ച ചില ദൃശ്യങ്ങൾ അതിലും മോശമായിരുന്നു. എന്നാൽ അത്തരം ചിത്രീകരണങ്ങൾ തുടരാൻ പാടില്ലെന്ന് രാം സർ വ്യക്തമായി പറഞ്ഞിരുന്നു,” എന്നാണ് സന്ദേശത്തിൽ പറയുന്നതായി പ്രചരിക്കുന്നത്.

സിനിമാ ചിത്രീകരണ സ്ഥലങ്ങളിലെ വിശ്വാസവും സൃഷ്ടിപരമായ നിയന്ത്രണവും സംബന്ധിച്ച ആശങ്കകളും മറ്റൊരു സന്ദേശത്തിൽ പ്രതിഫലിക്കുന്നതായി കാണുന്നു. ബോഡി ഡബിൾസിന്റെ ഉപയോഗത്തെക്കുറിച്ചുള്ള ചോദ്യത്തിന് മറുപടിയായി, “ഇത്തരം കാര്യങ്ങളെക്കുറിച്ച് ഞാൻ നേരത്തെ തന്നെ പറഞ്ഞിട്ടുണ്ട്. പക്ഷേ ഇവിടെ കാര്യങ്ങൾ എങ്ങനെ നടക്കുന്നു എന്ന് നിങ്ങൾക്കറിയാം. ഒരു ക്ലോസ്-അപ്പ് ദൃശ്യമാണ് ചിത്രീകരിക്കുന്നതെന്ന് പറയുകയും, പിന്നീട് മറ്റൊരു രീതിയിൽ ക്യാമറ ഉപയോഗിക്കുകയും ചെയ്യാം. എല്ലായ്പ്പോഴും പൂർണമായ വിശ്വാസത്തോടെ കാര്യങ്ങൾ സ്വീകരിക്കാൻ സാധിക്കാറില്ല,” എന്നാണ് ജാൻവി പറഞ്ഞതായി പ്രചരിക്കുന്ന സന്ദേശങ്ങളിൽ രേഖപ്പെടുത്തിയിരിക്കുന്നത്.