‘ഉദയവാണി’ പുറത്തുവിട്ട റിപ്പോർട്ട് പ്രകാരം, കയ്യിലുണ്ടായിരുന്ന സ്മാർട്ട് വാച്ചിലെ റീഡിംഗിൽ വിശ്വസിച്ച് ദിലീപ് രാജ് ശാരീരിക അസ്വസ്ഥതകൾ അവഗണിച്ചതായാണ് സൂചന. മെയ് 12ന് രാത്രി 47-കാരനായ നടന് നെഞ്ചുവേദന അനുഭവപ്പെട്ടിരുന്നു. എന്നാൽ അദ്ദേഹം ഉടൻ ചികിത്സ തേടിയില്ല. സ്മാർട്ട് വാച്ചിൽ ഹൃദയമിടിപ്പ് സാധാരണ നിലയിലാണെന്ന് കണ്ടതുകൊണ്ടാണ് അദ്ദേഹം അസ്വസ്ഥതകൾ കാര്യമാക്കാതിരുന്നതെന്ന് പറയപ്പെടുന്നു.

ഹൃദയമിടിപ്പിൽ അസ്വാഭാവികതയൊന്നും സ്മാർട്ട് വാച്ച് കാണിക്കാത്തതിനാലാണ് അദ്ദേഹം ലക്ഷണങ്ങൾ അവഗണിച്ചതെന്ന് അദ്ദേഹത്തോട് അടുത്ത വൃത്തങ്ങൾ സൂചിപ്പിച്ചു. പിന്നീട് അസ്വസ്ഥത കൂടിയതോടെ കുമാരസ്വാമി ലേഔട്ടിലെ അപ്പോളോ ആശുപത്രിയിൽ എത്തിച്ചെങ്കിലും അദ്ദേഹം മരണത്തിന് കീഴടങ്ങി.

നിലവിൽ ‘കൃഷ്ണ രുക്കു’ എന്ന ജനപ്രിയ പരമ്പരയുടെ നിർമ്മാതാവായിരുന്നു അദ്ദേഹം. ‘ലവ് മോക്ടെയിൽ 3’ എന്ന ചിത്രത്തിലാണ് അദ്ദേഹം അവസാനമായി അഭിനയിച്ചത്. ബുധനാഴ്ച ഉച്ചയോടെ ദിലീപ് രാജിന്റെ സംസ്കാര ചടങ്ങുകൾ നടന്നു. ഭാര്യയും രണ്ട് മക്കളുമുണ്ട്.